सध्या अनेक कलाकार ओटीटी प्लॅटफॉर्मकडे वळत असल्याचे दिसत आहे. तसेच सध्या देशात उद्भवलेल्या परिस्थितीमध्ये अनेक नवे चित्रपट देखील ओटीटी प्लॅटफॉर्मवर प्रदर्शित होताना दिसत आहेत. अशातच मराठमोळा अभिनेता गश्मीर महाजनी वेब विश्वात पदार्पण करत आहे. त्याच्या आगामी सीरिजचा टीझर नुकताच प्रदर्शित झाला आहे. गश्मीरच्या आगामी वेब सीरिजचे नाव 'सर्जिकल ऑपरेशन टीम' (SOT) असे आहे. नुकताच या सीरिजचा टीझर प्रदर्शित झाला असून गश्मीरने त्याच्या इन्स्टाग्राम अकाऊंटवर तो शेअर करत चाहत्यांना माहिती दिली आहे. View this post on Instagram मेरी लाईफ का एक ही फंडा है - no rules no commitment.only adjustment. Here’s the first glimpse of my upcoming web series “SOT” - Surgical Operations Team. Big shout to @banijayasia @khuzemahaveliwala A post shared by Gashmeer Mahajani (@mahajani.gashmeer) on May 26, 2020 at 10:35pm PDT हा टीझर शेअर करत त्याने 'मेरी लाईफ का एक ही फंडा है. नो रुल्स नो कमिटमेंट.. ओनली अॅडजस्टमेंट' हा सीरिजमधला डॉयलॉग कॅप्शनमध्ये लिहिला आहे. तसेच 'माझ्या आगामी "SOT" या पहिल्यावहिल्या वेब सीरिजमधील काही खास दृश्य' असे त्याने म्हटले आहे. आता चाहत्यांमध्ये या सीरिजबाबत उत्सुकता वाढली आहे. पण ही सीरिज केव्हा प्रदर्शित होणार हे अद्याप समोर आलेलं नाही. सध्या गश्मीर कुटुंबीयांसोबत वेळ घालवताना दिसत आहे. त्याची ही वेब सीरिज सोनी लिव्ह या अॅपवर प्रदर्शित होणार आहे. तसेच गश्मीर लवकरच मराठी चित्रपट 'सर सेनापती हंबीरराव'मध्ये महत्त्वाची भूमिका साकारणार आहे.