मराठी मालिका विश्वात 'जय मल्हार' या मालिकेने सुरुवातीपासूनच प्रेक्षकांच्या मनात घर केलं. अशा या मालिकेतील प्रत्येक पात्रही रसिकांच्या रोजच्या आयुष्यातील एक भाग होऊन गेलं. अशाच पात्रांपैकी एक म्हणजे 'म्हाळसा', खंडेरायाची अर्धांगिनी. ही भूमिका साकारणाऱ्या अभिनेत्री सुरभी हांडेलासुद्धा अल्पावधीत प्रेक्षकांचं प्रेम मिळालं आणि ती लोकप्रियतेच्या शिखरावर जाऊन पोहोचली. सुरभी हांडे 'लोकसत्ता डिजिटल अड्डा'वर मनमोकळ्या गप्पा मारण्यासाठी येणार आहे. तिची ही मुलाखत Loksatta Live फेसबुक पेजवर लाइव्ह पाहता येणार आहे. सुरभीला प्रश्न विचारण्याची संधी प्रेक्षकांनाही मिळणार आहे. बुधवारी १० जून रोजी संध्याकाळी चार वाजल्यापासून सुरभी 'LoksattaLive' या फेसबुक पेजवर लाइव्ह असेल. या आणि अशा व्हिडीओ मुलाखतींमध्ये फेसबुकवर सहभागी होण्यासाठी लोकसत्ताच्या Loksattalive या फेसबुक पेजला लाइक करा आणि फॉलो करा.
