अभिनेत्याने केली सुशांतच्या बायोपिकची घोषणा; बॉलिवूडमधील घराणेशाहीला करणार एक्सपोज - Marathi News | Kamaal R Khan Announces He Would Produce Biopic On Sushant Singh Rajput Mppg 94

सुशांतला न्याय देण्यासाठी 'हा' अभिनेता तयार करणार चित्रपट

सुशांतने १४ जून रोजी राहत्या घरात आत्महत्या केली. त्याने वयाच्या ३४व्या वर्षी जगाचा निरोप घेतला.

बॉलिवूड अभिनेता सुशांत सिंह राजपूत याने गळफास घेऊन आत्महत्या केली. तो केवळ ३४ वर्षांचा होता. सुशांतने नैराश्यामुळे आत्महत्या केली असं म्हटलं जात आहे. दरम्यान त्याच्या आयुष्यावर अभिनेता कमाल आर. खान एक चित्रपट तयार करणार आहे. सुशांतला आत्महत्या करण्यासाठी प्रवृत्त करणाऱ्या लोकांना या चित्रपटाद्वारे तो एक्सपोज करणार आहे.

I promise to produce biopic of #SushantSingh to expose all the culprits. I love to hate you Bollywood people! #justiceforSushanthSinghRajput
— KRK (@kamaalrkhan) June 18, 2020

“सुशांत सिंह राजपुतवर मी लवकरच एक बायोपिक तयार करणार आहे. सुशांतला आत्महत्येसाठी प्रवृत्त करणाऱ्या लोकांना मी या चित्रपटाद्वारे जगासमोर आणणार आहे. मी बॉलिवूडचा द्वेष करतो. सुशांतला न्याय मिळायलाच पाहिजे.” अशा आशयाचं ट्विट कमाल खानने केलं आहे.

Dear spice, media company of Big stars, trend whatever you want to trend about me. But I won’t stop supporting #SushantSingh and speak against you. All the best. #SushantNoMore
— KRK (@kamaalrkhan) June 18, 2020

कमाल खान उर्फ केआरके आपल्या वादग्रस्त वक्तव्यांमुळे नेहमीच चर्चेत असतो. यावेळी त्याने बॉलिवूडवर निशाणा साधला आहे. बॉलिवूडमधील घराणेशाहीवर वारंवार टीका केली जात आहे. या पार्श्वभूमीवर कमालचे हे ट्विट सध्या सर्वांचेच लक्ष वेधून घेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.

First published on: 18-06-2020 at 19:30 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kamaal r khan announces he would produce biopic on sushant singh rajput mppg