अभिनेता सुशांत सिंह राजपूत मृत्यू प्रकरणाच्या चौकशीत 'बॉलिवूड ड्रग्ज प्रकरण' समोर आलं आहे. अंमली पदार्थ विरोधी पथकाद्वारे या प्रकरणाची चौकशी सुरु आहे. लक्षवेधी बाब म्हणजे या चौकशीदरम्यान सारा अली खान, रकुल प्रित सिंह, सिमोन खंबाटा, श्रद्धा कपूर, नम्रता शिरोडकर, दीपिका पदुकोण, दिया मिर्झा, अबिगल पांडे यांसारख्या अनेक नामांकित कलाकारांची नावं समोर आली आहेत. दरम्यान या प्रकरणावर अभिनेत्री नगमा हिने प्रतिक्रिया दिली. कंगना रणौतला अद्याप एनसीबीने समन्स का बजावलं नाही? असा सवाल तिने उपस्थित केला आहे. अवश्य पाहा - "तिच्या सुंदर त्वचेचं रहस्य ड्रग्जमध्ये"; अभिनेत्याने उडवली दीपिकाची खिल्ली "कंगना ड्रग्जचं सेवन करत होती. याची कबूली तिने स्वत: दिली आहे. मात्र तरी देखील एनसीबीने अद्याप तिला समन्स बजावलेलं नाही. ज्या कलाकारांनी मोदी सरकारविरोधात आवाज उठवला त्यांनाच चौकशीसाठी बोलावलं जातंय. आता पुढचा नंबर स्वरा भास्कर, अनुभव सिंहा आणि रिचा चढ्ढा यांचा असेल." अशा आशयाचं ट्विट करुन नगमाने एनसीबीच्या कारवाईवर संशय व्यक्त केला आहे. लक्षवेधी बाब म्हणजे या ट्विटमध्ये तिने कंगना, आयपीएस अधिकारी गुप्तेश्वर पांडे, अनुराग कश्यप, दिया मिर्झा, दीपिका पदुकोण या मंडळीचे फोटो पोस्ट केले आहेत. तिचं हे ट्विट सध्या सोशल मीडियावर सर्वांचेच लक्ष वेधून घेत आहे. अवश्य पाहा - पतीला घटस्फोट देऊन ही अभिनेत्री राहतेय बॉबी देओलच्या घरात Why has the NCB not summoned Kangana Ranaut who has admitted to have taken drugs . If they could summon other actresses on basis of what’s app chat ?? Hypocrite and is this the duty of NCB to leak out information to Press and malign the image of only female top actresses 56 inch pic.twitter.com/REWJLIYHNB — Nagma (@nagma_morarji) September 23, 2020 नार्कोटिक्स कंट्रोल ब्यूरोद्वारे (एनसीबी) सुरू असलेल्या ड्रग्ज प्रकरणाच्या तपासादरम्यान D N S K (D म्हणजे दीपिका पदुकोण, N म्हणजे नम्रता शिरोडकर, S म्हणजे श्रद्धा कपूर आणि K म्हणजे करिश्मा) ही नावं समोर आली आहेत. एनसीबीच्या एक व्हॉट्सअॅप चॅट मिळालं आहे. यामध्ये ड्रग्जच्या खरेदी-विक्रीची चर्चा केली जात असल्याचं समोर आलं आहे. एनसीबीकडून करण्यात आलेल्या चौकशीदरम्यान मोठे गौप्यस्फोट करण्यात आले. श्रद्धा कपूरशिवाय यामध्ये तीन अन्य अभिनेत्रींची ड्रग चॅटही समोर आली आहेत. जया साहाच्या केलेल्या चौकशीदरम्यान एनसीबीनं चॅटवरील माहितीवरून ती सेलिब्रिटींसाठी सीबीडी ऑईल कुठून मागवते याची विचारणा केली. तसंच चॅटमधील अमित आणि SLB या नावांबद्दलही चौकशी केली. जयाच्या मोबाईलमधीड परत मिळवण्यात आलेल्या डेटामधून आणखी एक गौप्यस्फोटही झाला आहे.