वादग्रस्त वक्तव्य करुन अनेकदा चर्चेत येणारा अभिनेता मुकेश खन्ना पुन्हा एकदा अशाच एका वक्तव्यामुळे चर्चेत आले आहे. मुकेश खन्ना यांनी सोशल मीडियावर एक व्हिडीओ शेअर करत अभिनेता अजय देवगण आणि शाहरुख खान यांना टोला लगावला आहे. मुकेश खन्ना यांनी 'उंचे लोगों की नीची पसंद है', असं शीर्षक असलेला एक व्हिडीओ शेअर केला आहे. या व्हिडीओसोबत त्यांनी एक फोटोदेखील शेअर केला आहे. ज्यात अजय देवगण आणि शाहरुख खान यांनी केलेल्या जाहिरातींचे फोटो आहेत. “बोलो ज़ुबान केसरी , ऊँचे लोगों की पसंद , मैं यूँ ही नहीं बन जाता , I AM MAN OF ALL SEASONS”। क्या है ये सब ? लोगों को भ्रमित करने का ख़तरनाक रास्ता ! हानिकारक वस्तुओं का नाटकीय ढंग से दुष्प्रचार !कोई नहीं रोकता इसे।ना खाने वाला,ना प्रचारक, ना ही सरकार। किसके बाप का क्या जाता है। pic.twitter.com/FLryMnCEsB — Mukesh Khanna (@actmukeshkhanna) December 29, 2020 "बोलो जुबां केसरी, "ऊंचे लोगों की पसंद, मी उगाच नाही I AM MAN OF ALL SEASONS होत. नेमकं काय आहे हे सगळं? लोकांची दिशाभूल करण्याचा सगळ्यात भयानक मार्ग. हानिकारक वस्तूंचा चुकीच्या पद्धतीने केलेला प्रसार. हा प्रकार कोणीच थांबवू शकत नाही.सेवन करणारे, प्रचार करणारे किंवा सरकार कोणीच हा प्रकार थांबवू शकत नाही", असं ट्विट मुकेश खन्ना यांनी केलं आहे. त्यासोबतच त्यांनी एक व्हिडीओदेखील शेअर केला आहे. दरम्यान, मुकेश खन्ना यांनी शेअर केलेल्या व्हिडीओमध्ये त्यांनी सरकारकडे 'अशा हानिकारक उत्पादनांना परवानगी देऊ नका', अशी विनंती केली आहे. सोबतच अशा जाहिराती करणाऱ्या काही कलाकारांनी त्यांनी टोलाही लगावला आहे.