अनुष्का शर्माच्या सुई धागा सिनेमातील फोटोवरून नेटकऱ्यांनी तिची कशी खिल्ली उडवली हे आपल्याला ठाऊक आहेच. अशात आता नेटकऱ्यांनी अभिनेत्री राधिका आपटेची खिल्ली उडवण्यास सुरूवात केली आहे. राधिका आपटेचे खूप सारे मेमे तयार करण्यात आले आहेत. नेटफ्लिक्सवर लस्ट स्टोरीज, सेक्रेड गेम्स आणि घौल या तीन सीरिजमध्ये राधिका आपटेची भूमिका आहे. लस्ट स्टोरीजमध्ये कालंदी, सेक्रेड गेम्समध्ये अंजली माथुर आणि घौलमध्ये निदा रहिम अशी पात्रे साकारली आहेत.

नेटफ्लिक्सच्या तीन वेब सीरिजमध्ये राधिका आपटे आहेच. त्यामुळे नेटफ्लिक्स म्हणजे राधिका आपटेच आहे असे समीकरण मानून सोशल मीडियावर राधिका आपटेची खिल्ली उडवली जाते आहे. संजू सिनेमाच्या पोस्टरमध्ये रणबीर कपूरच्या राधिका आपटेला दाखवण्यात आले आहे. तर काही जणांनी कार्बन कार्बन असे म्हणत राधिका आपटेचेच सगळे फोटो दाखवण्यात आले आहेत. त्यामुळे आता अनुष्का शर्मानंतर आता राधिका आपटेला ट्रोल केले जात आहे.