Sacred Games 2 : काटेकर परत येणार?, नेटफ्लिक्सच्या नव्या व्हिडीओत जितूची झलक

वेब विश्वातील सर्वाधिक लोकप्रिय वेब सीरिज ‘सेक्रेड गेम्स’चा सीक्वल लवकरच प्रेक्षकांच्या भेटीला येणार आहे. काही दिवसांपूर्वीच या सीक्वलची घोषणा नेटफ्लिक्सच्या अधिकृत फेसबुक पेजवर करण्यात आली होती. या सीक्वलची उत्सुकता शिगेला पोहोचली असतानाच आता नेटफ्लिक्सने ‘सेक्रेड गेम्स २’चा टीझर प्रदर्शित केला आहे. या टीझरमध्ये काटेकर, कुक्कु आणि बंटीची झलक पाहायला मिळत आहे. त्यामुळे सीक्वलमध्ये काटेकर परत येणार असल्याचं दिसतंय.

View this post on Instagram

A post shared by Netflix India (@netflix_in)

‘सेक्रेड गेम्स २’च्या एपिसोड्सची नावं ‘बिदल ए गीता’, ‘कथम अस्ति’, ‘अन्तर महावन’ आणि ‘अनागमम्’ अशी आहेत. ही नावं पासून सेक्रेड गेम्सच्या सीक्वलमध्ये काहीतरी नवीन आणि काहीतरी वेगळं पाहायला मिळणार हे नक्की. त्रिवेदी का वाचणार? ताबुत काय असतो? अशा अनेक अनुत्तरीत प्रश्नांची उत्तरं नव्या सीझनमध्ये मिळण्याची शक्यता आहे. नेटफ्लिक्सने ‘इस बार क्या होगा भगवान भी नहीं जानता’ असं याआधीच्या पोस्टमध्ये म्हटलं होतं. त्यामुळे चाहत्यांची उत्सुकता आता कमालीची वाढली आहे.