भारतासाठी आणि सलमानच्या 'भारत'साठीही आजचा दिवस खास आहे, म्हणून या खास दिवसांचं औचित्य साधून सलमाननं त्याच्या आगामी 'भारत'चा टीझर प्रदर्शित केला आहे. ५० सेकंदाचा ऑडिओ व्हिज्युअल टीझर सलमाननं ट्विटरवर शेअर केला आहे. 'कुछ रिश्ते जमीन से होते है, और कुछ खून से.. मेरे पास दोनो थे' असं म्हणणाऱ्या 'भारत'ची छोटीशी झलक चाहत्यांना या टीझरच्या निमित्तानं पाहायला मिळाली आहे. २०१४ साली प्रदर्शित झालेल्या “Ode To My Father” दक्षिण कोरियन चित्रपटावर भारत आधारलेला आहे. अली अब्बास जफर दिग्दर्शित ‘भारत’ चित्रपटात रशियन सर्कस आणि अन्य काही साहसी दृश्य पाहायला मिळणार आहेत. प्रियांका चोप्रानं काही दिवसांपूर्वीच 'भारत'ला तडकाफडकी सोडचिठ्ठी दिली होती. तेव्हापासून हा चित्रपट चर्चेत होता. 'भारत'मध्ये दिशा पटानी, कतरिना कैफ, नोरा फतेही, तब्बू, सुनील ग्रोव्हर असे अनेक कलाकार पाहायला मिळणार आहेत. २०१९ मध्ये ईदच्या दिवशी भारत प्रदर्शित होणार आहे.
