सोनाक्षी सिन्हा आणि अर्जुन कपूरच्या आगामी 'तेवर' चित्रपटाचा फर्स्ट लूक प्रदर्शित करण्यात आला असून, दोघेही यात त्यांचे तेवर दाखविताना दिसत आहेत.पहिल्या छायाचित्रात सोनाक्षी संपूर्णपणे दबंग रुपात नाचताना दिसते.दुस-या छायाचित्रात अर्जुन कपूर हा मनोज बाजपेयीसोबत लढताना दिसतो.तर, तिस-या छायाचित्रात सोनाक्षी ही सोनेरी रंगाच्या पोशाखात नृत्य करताना तिची अदा दाखविते आहे. चित्रपटात सोनाक्षीने आग्रा येथे राहणा-या मुलीची भूमिका साकारली असून अर्जून हा सलमानच्या चाहत्याच्या भूमिकेत दिसेल. श्रुती हसनने यात 'मदामिया' हे आयटम गाणे केले आहे. २००३ साली प्रदर्शित झालेल्या ;ओक्कडू; चित्रपटचा रिमेक असलेल्या ;तेवर;चे दिग्दर्शन अमित शर्माने केले असून बॉनी कपूर आणि संजर कपूर हे याचे निर्माते आहेत. पुढच्या वर्षी हा चित्रपट प्रदर्शित होईल.
