बॉलीवूड अभिनेता आमिर खान बुधवारी रात्री मुंबई उपनगरातील एका चित्रपटगृहात स्टार वॉर्स हा चित्रपट पाहण्यासाठी आला होता. यावेळी आमिरबरोबर त्याची पत्नी किरण राव, मुलगी इरा आणि काही नातेवाईकही चित्रपट पाहण्यासाठी आले होते. काही दिवसांपूर्वी असहिष्णुतेमुळे देश सोडून जावासा वाटतो, असे वादग्रस्त विधान केल्यामुळे आमिर खान टीकेच्या भोवऱ्यात सापडला होता. या पार्श्वभूमीवर चित्रपट पाहण्यासाठी आलेल्या आमिरभोवती बंदुकधारी अंगरक्षक आणि पोलिसांची कडेकोट सुरक्षाव्यवस्था तैनात होती. साधारण ११ च्या सुमारास आमिरने चित्रपटगृहातून बाहेर पडला, त्यापाठोपाठ त्याची पत्नी किरण रावदेखील चित्रपटगृहातून बाहेर आली. यावेळी किरणने आम्हाला चित्रपट आवडला, अशी प्रतिक्रिया प्रसारमाध्यमांना दिली.
