घटस्फोटानंतर झालं कॅन्सरचं निदान, प्रसिद्ध अभिनेत्री म्हणाली, “थायरॉईड, PCOD, खोकताना खूप…”

“मी खूप संघर्ष केला. बरेच लोक म्हणतात घटस्फोट घेणं सोपं आहे, माझ्यासाठी अजिबात सोपं नव्हतं. मी खूप कठीण संघर्षानंतर जिंकले. मी यासाठी तीन ते चार वर्षे लढले. तुम्ही परस्पर घटस्फोट घेत असाल तर तो सहा महिन्यांत मिळू शकतो. मी परस्पर घटस्फोट घेण्यासाठी बराच काळ प्रयत्न केला, पण तो झाला नाही. शेवटी, मला तो संघर्ष करून मिळवावा लागला,” असं ज्वेल धन्या वर्माशी बोलताना म्हणाली.

घटस्फोट झाल्यावर ज्वेलने आनंदी राहायचं ठरवलं. “मला वाटलं की मी आता तरी आनंदी आयुष्य जगावं. त्यामुळे मी लंडनमध्ये एका कार्यक्रमासाठी गेले. तिथे मी एक महिना घालवला. माझे तिथे काही मित्र आहेत. मी त्यांना भेटले. मी इंग्लंड, आयर्लंड आणि स्कॉटलंडला गेले. ती एक रोमांचक ट्रिप होती. मी त्या वर्षी माझा वाढदिवस लंडनमध्ये साजरा केला. मग मी घरी परतलो. माझ्याकडील सर्व पैसे खर्च करून मी परतले,” असं ज्वेल म्हणाली.

थायरॉईडची समस्या अन् कर्करोगाचे निदान

ज्वेल पुढे म्हणाली, “मला सात वर्षांपासून थायरॉईडची समस्या होती. माझे वजन कमी-जास्त होत होते. वैयक्तिक आयुष्यातील आघातामुळे पीसीओडी झाला. मी एके दिवशी नियमित तपासणीसाठी गेलो होतो. इतर कोणत्याही समस्या नव्हत्या. मी खोकताना खूप कफ बाहेर पडायचा. प्रेझेंटर असल्याने मला माझ्या आवाजाची काळजी घ्यावी लागत होती.”

“डॉक्टर म्हणाले की चाचण्या कराव्या लागतील. माझं बीएससी नर्सिंग झालंय. रिपोर्ट्सवर डॉक्टर जे लिहित होते ते पाहून माझे हातपाय थंड पडू लागले. त्यांच्या चेहऱ्यावरील हावभाव पाहून मला भीती वाटू लागली. मी स्तब्ध झाले होते. डॉक्टरांनी बायोप्सी करायला सांगितलं. मी भीतीने नकार दिला. मग डॉक्टरांनी संकेत दिले होते की हा कर्करोग असू शकतो. बायोप्सीचे निकाल येण्यासाठी १५ दिवस लागतील. डॉक्टर म्हणाले की रिपोर्ट आल्यानंतर, पुन्हा खात्री करून घ्यावी लागेल. मग दुसरी बायोप्सी करण्यात आली. या सर्व काळात मी घाबरलेस, असं कुटुंबाला दाखवलं नाही. मी खंबीरपणे उभी राहिले. जेव्हा दुसऱ्या बायोप्सीचे रिपोर्ट आल्यावर मला परिस्थिती गंभीर आहे ही खात्री पटली,” असं ज्वेल म्हणाली.

ज्वेलवर फेब्रुवारीमध्ये सात तासांची शस्त्रक्रिया झाली, त्यानंतर तिने तिचा आवाज पूर्णपणे गमावला. “नंतर डॉक्टरांनी सांगितलं की सहा महिने लागतील. माझा डावा हात कमकुवत झाला. मी हालचाल करू शकत नव्हतो. फिजिओ आणि थेरपी सुरू होती. सहा महिन्यानंतर डॉक्टरांनी पुन्हा सर्व तपासण्या केल्या आणि मी कॅन्सरवर मात केल्याचं सांगितलं. तो आनंद मी शब्दांत सांगू शकत नाही,” असं ज्वेल म्हणाली.