जाहिरातीच्या सेटवर अमिताभ आणि जया बच्चन पुन्हा एकत्र

गेल्या अनेक वर्षांपासून अमिताभ आणि जया हे एका ज्वेलरी ब्रॅण्डचे अॅम्बेसिडर आहेत. या दोघांची उपस्थिती कोणत्याही जाहिरातीची शोभा वाढवणारी असते. त्यामुळे या जाहिरातीतही या दोघांशिवाय अन्य कोणत्याही गोष्टींकडे लक्ष जाणार नाही हे सर्वांनाच माहीत आहे. या जाहिरातीमध्ये दोघांनीही सारख्याच रंगाचे कपडे घातले आहेत.

T 2703 – Its work with the Wife .. and its the ad., for jewellery .. सावधान !! Shooting with the wife .. pic.twitter.com/UN25UgxebX

— Amitabh Bachchan (@SrBachchan) November 6, 2017

जया आणि अमिताभ यांचे आतापर्यंत अनेक सुंदर फोटो सोशल मीडियावर पाहायला मिळतील. पण त्या सर्व फोटोंमध्ये चाहत्यांना हा फोटो नक्कीच आवडेल यात काही शंका नाही. अमिताभ यांच्या आगामी सिनेमांबद्दल बोलायचे झाले तर, बिग बी ‘पॅडमॅन’, ‘१०२ नॉट आऊट’ आणि ‘ठग्ज ऑफ हिंदोस्तान’ या सिनेमांमध्ये दिसणार आहेत. याशिवाय लवकरच ते नागराज मंजुळे यांच्या आगामी सिनेमाच्या चित्रीकरणाला पुढच्या वर्षी सुरूवात करणार आहेत.

या सिनेमात ते नागपूरमध्ये जवळपास दशकभरापूर्वी ‘स्लम सॉकर’ या स्वयंसेवी संस्थेची स्थापना करणारे विजय बार्से यांची भूमिका साकारताना दिसतील. फुटबॉल खेळात आपले भवितव्य घडवण्यासाठी ही संस्था गरीब मुलांना मदत करते.