Baaghi 2 box office collection day 3: ‘पद्मावत’ला टक्कर देतोय ‘बागी २’

चित्रपट व्यापार विश्लेषक तरण आदर्शने यासंदर्भात माहिती दिली आहे. ‘बागी २’ ने शुक्रवारी भारतात २५.१० कोटींची कमाई केली. बॉक्स ऑफिसवर पहिल्याच दिवशी एवढी कमाई करणारा हा या वर्षातला आतापर्यंतचा पहिलाच चित्रपट ठरला आहे. शनिवारी २०.४० कोटी आणि रविवारी २७.६० कोटी रुपयांची कमाई करत या चित्रपटाने पहिल्या आठवड्यात एकूण ७३.१० कोटींचा गल्ला जमवला आहे.

#Baaghi2 is a RECORD-SMASHER… East, West, North, South – the film is having a BLOCKBUSTER RUN everywhere… Opening weekend numbers are simply PHENOMENAL… Fri 25.10 cr, Sat 20.40 cr, Sun 27.60 cr. Total: ₹ 73.10 cr. India biz.

— taran adarsh (@taran_adarsh) April 2, 2018

वाचा : कतरिनाच्या बहिणीला सलमान म्हणणार ‘ओss ओss जाने जाना’

अहमद खान दिग्दर्शित या चित्रपटाची अॅडव्हान्स बुकींगसुद्धा मोठ्या प्रमाणावर झाली होती. त्यामुळे पहिल्या आठवड्यात चांगली कमाई करेल असा अंदाज व्यक्त करण्यात आला होता. हा अंदाज आता खरा ठरला आहे.

#Baaghi2 is a LOTTERY… Continues to SURPRISE [the trade] and SHOCK [the pessimists] with SENSATIONAL biz on Sat… Proves all calculations and assumptions wrong… Fri 25.10 cr, Sat 20.40 cr. Total: ₹ 45.50 cr. India biz.

— taran adarsh (@taran_adarsh) April 1, 2018

२०१६ मध्ये प्रदर्शित झालेल्या ‘बागी’ या सिनेमाचा हा सिक्वल आहे. ‘बागी’मध्ये टायगर आणि श्रद्धा कपूर ही जोडी पाहायला मिळाली. पण ‘बागी २’ मध्ये बॉलिवूडची बहुचर्चित दिशा- टायगरची जोडी पाहायला मिळत आहे. एकीकडे या दोघांची केमिस्ट्री, टायगरचा अॅक्शन अवतार, भरपूर साहसदृश्ये या सर्व गोष्टींमुळे प्रेक्षकांमध्ये या सिनेमाबद्दल उत्सुकता पाहायला मिळत आहे. भारतात ३५००, तर परदेशात ६२५ अशा एकूण ४१२५ स्क्रीनवर हा सिनेमा प्रदर्शित करण्यात आला आहे.