प्रसिद्ध भोजपुरी गायिका निशा उपाध्याय हिला लाइव्ह इव्हेंट दरम्यान झालेल्या गोळीबारात गोळी लागली आहे. बिहारमधील सारण येथे इव्हेंटमध्ये गाणं गात असतानाच निशाला गोळी लागली आहे. गोळी लागल्यानंतर निशाला लगेचच रुग्णालयात दाखल करण्यात आलं.

ईटाइम्सने दिलेल्या वृत्तानुसार, मंगळवारी(३० मे) लाइव्ह इव्हेंट दरम्यान काही लोकांनी हवेत गोळीबार केला. या गोळीबारात गाणं गात असलेल्या निशाच्या डाव्या पायाला गोळी लागली आहे. या घटनेत निशाला गंभीर दुखापत झाली आहे. सध्या तिच्यावर पटना येथील मॅक्स रुग्णालयात उपचार सुरू असून तिची प्रकृती स्थिर आहे.

हेही वाचा>> “मानवशिवाय ‘पवित्र रिश्ता’ अपूर्ण आहे”, ‘त्या’ व्हिडीओमुळे अंकिता लोखंडे ट्रोल, नेटकरी म्हणाले, “सुशांत सिंह राजपूतचं नाव…”

बिहारमधील या घटनेची माहिती पोलिसांना मिळाली असल्याचं त्यांनी सांगितलं. परंतु, या घटनेबाबत कोणतीही तक्रार अद्याप करण्यात आलेली नाही. गोळीबार कशाप्रकारे करणयात आला आणि तो कोणी केला? याबाबत पोलीस अधिक तपास करत असल्याची माहिती त्यांनी दिली आहे.

हेही वाचा>> “ओंकार भोजने ग्रेट आहे”, ‘महाराष्ट्राची हास्यजत्रा’ फेम नम्रता संभेरावचं वक्तव्य चर्चेत, म्हणाली, “त्याच्याबरोबर…”

This quiz is AI-generated and for edutainment purposes only.

मीडिया रिपोर्टनुसार, बिहारमधील सारण या गावात एका सांस्कृतिक कार्यक्रमात निशा गाणं गाण्यासाठी गेलेली असताना ही घटना घडली. निशा ही भोजपुरीमधील प्रसिद्ध गायिका असून ती लोकगीतांसाठी ती ओळखली जाते.