प्रियांका चोप्राने सोडले न्यूयॉर्कमधील तिच्या ‘सोना’ रेस्टॉरंटवरील मालकी हक्क, जाणून घ्या कारण

न्यूयॉर्क या शहरामध्ये दोन वर्षांपूर्वी तिने ‘सोना’ नावाचं रेस्टॉरंट सुरु केलं. हे एक इंडियन रेस्टॉरंट आहे. आतापर्यंत अनेकदा तिने या रेस्टॉरंटबद्दलच्या गोष्टी चाहत्यांबरोबर शेअर केल्या. या रेस्टॉरंटमधून तिची मोठी कमाईही होत होती. पण आता यापुढे ते रेस्टॉरंट प्रियांकाच्या मालकीचं असणार नाही.

आणखी वाचा : सफर प्रियांका चोप्राच्या न्यू यॉर्कमधील ‘सोना’ या रेस्टॉरंटच्या किचनची…

नुकताच प्रियांकाने ‘सोना’ रेस्टॉरंटवरील तिचा मालकी हक्क सोडला आहे. तर आता आहे रेस्टॉरंट त्याचे सह-संस्थापक मनीश के. गोयल हाताळत आहेत. या रेस्टॉरंटमध्ये प्रियांका अर्धी भागीदार होती. पण आता तिने ती भागीदारीही सोडली आहे. यापुढे हे रेस्टॉरंट मनीष गोयल सांभाळणार आहेत.

हेही वाचा : उत्सवमूर्ती परिणीती, पण थाट प्रियांकाचा! बहिणीच्या साखरपुड्यात देसी गर्लने नेसलेल्या साडीची किंमत तब्बल…

प्रियांकाने हा निर्णय का घेतला याचं कारण अजून समोर आलेलं नाही. पण तिला तिच्या हेअर कलर ब्रँड आणि प्रोडक्शन कंपनीकडे लक्ष द्यायचं असल्याने तिने ‘सोना’वरील मालकी हक्क सोडल्याचं बोललं जात आहे. तर प्रियांकाने ‘सोना’वरील हक्क सोडल्यानंतर मनीष गोयल यांनी या रेस्टॉरंट उभारणीमध्ये प्रियांकाने दिलेल्या योगदानाबद्दल तिचे आभार मानले आहेत. याचबरोबर “प्रियांका आता आमची क्रिएटिव्ह पार्टनर नाही पण ती ‘सोना’ कुटुंबाचा एक भाग असेल,” असं ते म्हणाले आहेत.