Dhadak 2 Box Office Collection Day 2: ऑगस्ट महिन्यात अनेक हिंदी, मराठी तेलुगू चित्रपट प्रदर्शित होणार आहेत. १ ऑगस्टला अजय देवगण व मृणाल ठाकूर यांच्या प्रमुख भूमिका असलेला सन ऑफ सरदार २ हा चित्रपट प्रेक्षकांच्या भेटीला आला आहे. त्याच दिवशी तृप्ती डिमरी व सिद्धांत चतुर्वेदी यांचा धडक २ हा चित्रपट प्रदर्शित झाला आहे.
‘धडक २’ ने दुसऱ्या दिवशी किती केली कमाई?
त्यामुळे धडक २ या चित्रपटाला सन ऑफ सरदार २ आणि १८ जुलैला प्रदर्शित झालेला व लोकप्रिय ठरलेला ‘सैयारा’ हा चित्रपटदेखील टक्कर देत असल्याचे पाहायला मिळत आहे. असे असले तरी या चित्रपटाने प्रदर्शित झाल्याच्या पहिल्या दिवशी चांगली कमाई केली होती.
‘सॅल्कनिक’नुसार धडक २ या चित्रपटाने शुक्रवारी म्हणजेच १ ऑगस्टला ३. ५ कोटींची कमाई केली होती. तर दुसऱ्या दिवशी या चित्रपटाने ३. ७५ कोटींची कमाई केली आहे. त्यामुळे दोन दिवसांत या चित्रपटाने ७.२५ कोटींची भारतात कमाई केली आहे. ऑगस्ट महिन्यात आणखी काही चित्रपट प्रेक्षकांच्या भेटीला येणार आहेत.
‘उदयपूर फाइल्स : कन्हैया लाल टेलर मर्डर’ हा चित्रपट ८ ऑगस्ट रोजी प्रदर्शित होणार आहे. ‘हीर एक्स्प्रेस’ ८ ऑगस्ट रोजी प्रदर्शित होणार आहे. ‘अंदाज २’ हा चित्रपट ८ ऑगस्ट रोजी प्रदर्शित होत आहे. ‘वॉर २’ १४ ऑगस्ट रोजी, तर ‘परम सुंदरी’ २९ ऑगस्ट २०२५ ला प्रदर्शित होणार आहे.
‘धडक २’ आणि ‘सन ऑफ सरदार २’ हे दोन्ही चित्रपट एकाच दिवशी प्रदर्शित झाले आहेत. सन ऑफ सरदार २ ने दोन दिवसांत एकूण १४.७५ कोटींची कमाई केली आहे. तर अनित पड्डा आणि अहान पांडे यांची प्रमुख भूमिका असलेल्या सैयाराने १६ दिवसांत एकूण २९१.३५ कोटींची कमाई केली आहे. सैयारा चित्रपटात नवीन कलाकार असतानाही या सिनेमाला प्रेक्षकांचा उत्तम प्रतिसाद मिळाला.
अनित पड्डाने याआधी काही चित्रपट आणि जाहिरातींमध्ये काम केले असले तरीही ‘सैयारा‘ने तिला मोठी लोकप्रियता मिळवून दिली. तर अहान पांडेने या चित्रपटातून बॉलीवूडमध्ये पदार्पण केले आहे. आता अनेक चित्रपटांची स्पर्धा असताना हे चित्रपट आगामी काळात किती कमाई करणार हे पाहणे महत्त्वाचे ठरणार आहे.
‘धडक २’बद्दल बोलायचे, तर जान्हवी कपूर आणि इशान खट्टर यांच्या प्रमुख भूमिका असलेला धडक हा सिनेमा २०१८ साली प्रेक्षकांच्या भेटीला आला होता. धडक २ हा या चित्रपटाचा सीक्वेल आहे. सिद्धांत चतुर्वेदीच्या अभिनयाचे सध्या कौतुक होताना दिसत आहे. आता प्रेक्षक कोणत्या चित्रपटाला प्रतिसाद देणार हे पाहणे महत्त्वाचे ठरणार आहे.
