जिनिलीया व रितेश देशमुख यांच्या सुखी संसाराला आज १२ वर्षे पूर्ण झाली आहेत. या दोघांनी एकमेकांना जवळपास १० वर्षे डेट केल्यावर ३ फेब्रुवारी २०१२ रोजी लग्नगाठ बांधली. रितेश-जिनिलीया मराठीसह बॉलीवूडमध्येही चांगलेच लोकप्रिय आहेत. दोघेही सोशल मीडियावर प्रचंड सक्रिय असतात. आज लग्नाच्या वाढदिवसानिमित्त खास व्हिडीओ शेअर करून जिनिलीयाने नवऱ्याला शुभेच्छा दिल्या आहेत. जिनिलीया-रितेश यांची पहिली भेट 'तुझे मेरी कसम'च्या सेटवर झाली होती. अनेक वर्षे डेट केल्यावर या जोडप्याने लग्नबंधनात अडकण्याचा निर्णय घेतला. या जोडप्याला रियान व राहील अशी दोन मुलं आहेत. देशमुख कुटुंबीयांचे व्हिडीओ सोशल मीडियावर चांगलेच व्हायरल होत असतात. जिनिलीयाने लग्नाच्या वाढदिवसानिमित्त असाच मजेशीर एक मजेशीर व्हिडीओ शेअर करून सर्वांचं लक्ष वेधून घेतलं आहे. हेही वाचा : “मी जिवंत आहे”, नाट्यमय घडामोडींनंतर अखेर जगासमोर अवतरली पूनम पांडे; म्हणाली, “कर्करोगामुळे माझा मृत्यू…” जिनिलीया या व्हिडीओमध्ये चेष्टेत रितेशच्या पोटात बुक्का मारत असल्याचं पाहायला मिळत आहे. या व्हिडीओच्या कॅप्शनमध्ये ती लिहिते, "प्रिय नवरोबा! सदैव एकत्र राहणं, एकत्र काहीतरी खास करणं, कधीच हार न मानता प्रत्येक गोष्टीचा एकत्र सामना करणं यालाच प्रेम म्हणतात. लव्ह यू रितेश…लग्नाच्या वाढदिवसाच्या खूप खूप शुभेच्छा!" हेही वाचा : “हे सगळं संशयास्पद”, सोलापूरच्या यात्रेतील ‘तो’ व्हिडीओ पाहून सुकन्या मोनेंचा संताप; म्हणाल्या, “कुठलेच मायबाप…” दरम्यान, प्रिया बापट, सिद्धार्थ चांदेकर, रेश्मा शिंदे, अक्षय टांकसाळे या कलाकारांसह नेटकऱ्यांनी रितेश-जिनिलीयावर लग्नाच्या वाढदिवसानिमित्त शुभेच्छांचा वर्षाव केला आहे.
