अभिनेत्री राखी सावंत पुन्हा एकदा तिच्या वैवाहिक आयुष्यामुळे चर्चेत आली आहे. राखीच्या संसारात वादळ आलं आहे. पती आदिल खानचं दुसऱ्या मुलीबरोबर अफेअर असल्याचा खुलासा काही दिवसांपूर्वी राखीने मीडियासमोर केला होता. त्यानंतर राखीने आदिलविरोधात पोलिसांत तक्रार दाखल केली. राखीच्या तक्रारीनंतर ओशिवारा पोलिसांनी आदिलला अटक केली आहे. राखीने पती आदिलवर अनेक गंभीर आरोप केले आहेत. आदिल गुन्हेगार असून त्याच्यावर म्हैसूर, बंगळूर येथे गुन्हे दाखल असल्याचं राखीने म्हटलं आहे. याशिवाय राखीने त्याच्यावर मारहाणीचा आरोपही केला आहे. "प्रसिद्धीसाठी माझा वापर केला. आदिलने मला शारीरिक, मानसिक व भावनिक त्रास दिला. गर्लफ्रेंडच्या सांगण्यावरुन त्याने मला मारहाण केली", असं राखी म्हणाली होती. आता राखीने आदिलवर घोटाळ्याचाही आरोप केला आहे. हेही वाचा>> टर्कीतील भूकंपात हजारो बळी, बॉलिवूडकरही हळहळले; फोटो शेअर करत आलिया भट्ट म्हणाली… आदिल खानला अटक झाल्यानंतर राखीचा नवीन व्हिडीओ समोर आला आहे. 'इन्स्टंट बॉलिवूड'ने शेअर केलेल्या या व्हिडीओमध्ये राखीने पुन्हा आदिलवर आरोप केले आहेत. "मी आदिलला माफ करू शकत नाही. तो पुन्हा माझ्याकडे आला होता. पण आता आम्ही एकत्र राहू शकत नाही. आदिलने माझ्याकडून दीड कोटी रुपये घेतले आहेत. पण हे तो मान्य करत नाहीये. रादिल या आमच्या निर्मिती कंपनीतही आदिलने १० लाखांचा घोटाळा केला आहे. मी बिग बॉस मराठीच्या घरात असताना त्याने रादिल कंपनीत स्वत:चं वेगळं अकाऊंट सुरू करुन हा घोटाळा केला आहे", असं राखी म्हणाली आहे. हेही वाचा>> आदिल खानसह राखी सावंतने केलेलं बाळाचं प्लॅनिंग; पतीच्या अटकेनंतर अभिनेत्रीचा मोठा खुलासा, म्हणाली… हेही पाहा>> Photos: अटक झालेला राखी सावंतचा पती तिच्यापेक्षा १७ वर्षांनी लहान, जाणून घ्या आदिल खानची एकूण संपत्ती राखी सावंतचा पती आदिल खान एक व्यायसायिक आहे. राखी व आदिलने मे २०२२ मध्ये कोर्ट मॅरेज केलं होतं. त्यानंतर त्यांनी निकाहही केला होता. लग्नाच्या सात महिन्यांनी राखीने त्यांच्या लग्नाबाबत खुलासा केला होता.
