शाहरुख खानच्या 'जवान'नंतर बॉक्स ऑफिसवर धुमाकूळ घालण्यासाठी 'टायगर ३' चित्रपट आज प्रदर्शित झाला आहे. सलमान खान व कतरिना कैफ अभिनीत बहुप्रतिक्षित, बहुचर्चित असा 'टायगर ३' चित्रपट दिवाळीच्या मुहूर्तावर प्रेक्षकांच्या भेटीस आला आहे. पहिल्याच दिवशी चित्रपटाला चांगलाच प्रतिसाद मिळताना दिसत आहे. सोशल मीडियावर सलमानच्या चाहत्यांच्या प्रतिक्रिया उमटत आहेत. अशातच 'टायगर ३' चित्रपटातील शाहरुखचा कॅमिओ सीन लीक झाला आहे. या सीनचा व्हिडीओ तुफान व्हायरल होत आहे. हेही वाचा - दिवाळी पार्टीसाठी जान्हवी कपूरचा खास ग्लॅमरस लूक; रॉयल ब्ल्यू रंगाच्या साडीने वेधलं लक्ष, किंमत वाचून व्हाल थक्क बॉक्स ऑफिसवर रेकॉर्ड ब्रेक कमाई केलेल्या शाहरुख खानच्या 'पठाण' चित्रपटात सलमान खानचा कॅमिओ पाहायला मिळाला होता. यामध्ये सलमान टायगरच्या रुपात किंग खानला शत्रूंपासून वाचवताना दिसला होता. आता हेच काम शाहरुख पठाणच्या रुपात 'टायगर ३' चित्रपटात करताना दिसत आहे. हा चित्रपट प्रदर्शित होताच शाहरुखच्या खतरनाक एन्ट्रीचे व्हिडीओ सोशल मीडियावर शेअर करण्यास सुरुवात झाली आहे. 'टायगर ३' चित्रपटातील या लीक सीनमध्ये सलमान शत्रूंनी घरलेला दाखवण्यात आला आहे. तेव्हाच त्याच्या जवळ एक बॉल पडतो, ज्यामध्ये 'झूमे जो पठाण' गाणं वाजतं. हे ऐकताच सलमान सुटकेचा निश्वास सोडून हसू लागतो. तो शरणागती पत्करून शत्रूंबरोबर जातो. तितक्यात शाहरुख खानची जबरदस्त एन्ट्री होती अन् तो सलमानला शत्रूंच्या जाळ्यातून सुरक्षितरित्या वाचवतो. हेही वाचा – १०३ ताप, लाल डोळे घेऊन त्रिशा ठोसरने दिली होती ‘नाळ २’साठी ऑडिशन; आईने सांगितला ‘तो’ किस्सा https://twitter.com/SRKsCombatant/status/1723556106356851177?t=df3AeULaMQ2TL4tojTzSIw&s=08 हेही वाचा – Video: ईशा केसकरच्या ‘लक्ष्मीच्या पाऊलांनी’ मालिकेचं दमदार शीर्षकगीत प्रदर्शित, पाहा व्हिडीओ दरम्यान, सलमानच्या स्पाय थ्रीलर 'टायगर ३' चित्रपटाचे मनीष शर्मा यांनी दिग्दर्शन केलं असून आदित्य चोप्रा यांनी निर्मिती केली आहे. या चित्रपटात सलमान व कतरिना व्यतिरिक्त इमरान हाश्मी खलनायकाच्या भूमिकेत झळकला आहे.
