“जगात कोणीही…”, इंटिमसीबद्दल तमन्ना भाटियाचे वक्तव्य; म्हणाली, “त्यांना लाज वाटायला…”

‘बाहुबली’, ‘लस्ट स्टोरीज २’ व ‘ओडेला २’ या चित्रपटांमध्ये तिच्या भूमिकांनी लक्ष वेधून घेतले. तिने लस्ट स्टोरीज २ मध्ये इंटिमेट सीन केले होते. या दृश्यांचे शूटिंग कसे केले जाते, ते तमन्नाने सांगितलं.

तमन्ना भाटियाने नुकतीच द लल्लनटॉपला मुलाखत दिली. मुलाखतीत तमन्नाने इंटिमेट सीन सेटवर कशा पद्धतीने शूट केले जातात, ते सांगितलं. तसेच सेटवर एक इंटिमसी कोऑर्डिनेटर असतो. तसेच एक कॅमेरामन, दिग्दर्शक, टीममधील इतर सदस्य असे बरेच जण हा सीन शूट करताना असतात, असं तमन्नाने सांगितलं.

सेटवर असतो को-ऑर्डिनेटर

तमन्ना भाटियाने इंटिमेट सीनच्या शूटिंगबद्दल सांगितलं. हे कॉफीचा कप उचलून कॉफी पिण्यासारखं असतं, कारण काय करायचं, कसं करायचं ते सगळं ठरलेलं असतं. सेटवर इंटिमसी को-ऑर्डिनेटर असतात, त्यांचं काम एखादी व्यक्ती हे सीन करण्यास कंफर्टेबल नसतील तर तिच्या मनातील शंका दूर करणे हे असतं. काही वेळा दोन्ही कलाकार को-ऑर्डिनेटरला त्यांची बाजू सांगतात आणि मग तो सीन त्या पद्धतीने कोरिओग्राफ केला जातो, असं तमन्ना म्हणाली.

इंटिमेट सीनसाठी अपराधीपणाची भावना…, काय म्हणाली तमन्ना भाटिया?

इंटिमेट सीन करताना विचित्र वाटत नाही, कारण त्यावर आधीच चर्चा झाली असते, त्यामुळे गोष्टी नॉर्मल होतात, असं तमन्ना सांगते. इंटिमेट सीन्स केल्यामुळे बऱ्याचदा कलाकारांवर टीका होते. या टीकेबद्दल तमन्ना म्हणाली, “जेव्हा लोक एखादी गोष्ट समजू शकत नाहीत तेव्हा ते कलाकारांना लाजिरवाणं आणि अपराधी वाटायला लावतात. लोकांनी त्यांची मानसिकता इतकी वाईट केली आहे की ते एका अतिशय पवित्र गोष्टीकडे घाणेरड्या नजरेने पाहतात. जर इंटिमेसी व या गोष्टी नसतील तर या जगात कोणीही अस्तित्वात नसेल. कलाकारांनी जणू काहीतरी चुकीचं केलंय, अशा प्रकारे त्यांना लाज वाटायला लावली जाते. लोक चित्रपटाच्या दिग्दर्शकाचे व्हिजन का समजू शकत नाहीत? असा प्रश्न पडतो.”

तमन्ना भाटियाच्या कामाबद्दल बोलायचं झाल्यास ती शेवटची ‘ओडेला 2’ या चित्रपटात झळकली होती. या चित्रपटात तिने एका साध्वीची भूमिका केली होती. सध्या तमन्ना तिच्या आगामी प्रोजेक्ट्सच्या शूटिंगमध्ये व्यग्र आहे.