प्रसिद्ध तमिळ आणि मल्याळम अभिनेत्री अरुंधती नायर हिचा १४ मार्च रोजी अपघात झाला आहे. तिची बहीण आरती नायर हिने या बातमीची पुष्टी केली आहे. अरुंधती गंभीर जखमी झाली आहे आणि रुग्णालयात तिच्यावर उपचार सुरू आहेत. ती सध्या त्रिवेंद्रममधील अनंतपुरी रुग्णालयात व्हेंटिलेटरवर आहे. ती लवकर बरी व्हावी, यासाठी तिचे चाहते प्रार्थना करत आहेत. मिळालेल्या माहितीनुसार, केरळमध्ये कोवलम बायपासवर हा अपघात झाला. या अपघातात अरुंधतीच्या डोक्याला दुखापत झाली आहे. १८ मार्च रोजी तिची बहीण आरतीने सोशल मीडियावर एक निवेदन शेअर केलं आहे. त्यात तिने अरुंधतीच्या अपघाताची माहिती दिली आहे. अपघात झाला तेव्हा अरुंधती तिच्या भावाबरोबर प्रवास करत होती. एका यूट्यूब चॅनलला मुलाखत देऊन ते घरी परतत होते. परतत असताना त्यांच्या दुचाकीचा अपघात झाला. एकेकाळी ८० रुपये रोजंदारीवर केलं काम, बीडच्या तरुणाने उभारली १० कोटींची कंपनी, ‘शार्क टँक इंडिया’मध्ये झळकला "हे खरं आहे की माझी बहीण अरुंधती नायर हिचा तीन दिवसांपूर्वी अपघात झाला. तिला गंभीर दुखापत झाली आहे आणि तिला त्रिवेंद्रममधील अनंतपुरी रुग्णालयात व्हेंटिलेटरवर ठेवण्यात आलं आहे. ती मृत्यूशी झुंज देत आहे," असं आरतीने म्हटलं आहे. “आम्हाला धर्माची पर्वा नव्हती,” २२ वर्षांपूर्वी मोडलेल्या लग्नाबाबत विंदू दारा सिंगचे विधान; तब्बूच्या बहिणीशी झाला होता विवाह https://www.instagram.com/p/C4pQnKRp94D/?hl=en&img_index=1 अरुंधतीने २०१४ मध्ये 'पोंगी एझू मनोहरा' मधून तमिळ सिनेमात पदार्पण केलं होतं. विजय अँटोनीच्या 'सैथान' चित्रपटामुळे तिला लोकप्रियता मिळाली. २०१८ मध्ये तिने 'ओट्टाकोरू कामुकन' मधून मल्याळम सिनेसृष्टीत पदार्पण केलं. ती शेवटची २०२३ मध्ये आलेल्या 'आईराम पोरकासुकल' या तमिळ चित्रपटात दिसली होती.
