…तेव्हा शाहिदला पाहताच करिनाने पाठ फिरवली - मराठी बातम्या | Filmfare Glamour And Style Awards 2017 Shahid Kapoor And Kareen Kapoor

कधी काळी करिना आणि शाहिद हे बॉलिवूडचे हॉट कपल होते

शाहिद कपूर, करिना कपूर

बॉलिवूडमध्ये कधी कोणाचे ब्रेकअप होईल आणि कोणाचे पॅचअप होईल, हे काही सांगता येत नाही. आता करिना कपूर आणि शाहिद कपूरचंच पाहा ना… कधी काळी करिना आणि शाहिद हे बॉलिवूडचे हॉट कपल होते. पण हे हॉट कपल फार काळ एकत्र राहू शकले नाही आणि त्यांच्यात ब्रेकअप झाले. ब्रेकअपनंतर हे दोघं कधीही एकमेकांसमोर आले नाहीत. पण एकाच क्षेत्रात काम करत असल्यामुळे कधी ना कधी एकमेकांसमोर येणं टाळू शकत नाही. नुकतेच ते फिल्मफेअरच्या पुरस्कार सोहळ्यात एकमेकांसमोर आले. पण करिनाने शाहिदला पाहताच नजर दुसरीकडे वळवली.

करिना कपूर खान रेड कार्पेटवर प्रसारमाध्यमांना फोटो देत होती. त्याचदरम्यान शाहिदही तिथे पोहोचला. शाहिदला रेड कार्पेटवर येताना पाहताच करिना त्याला पाठ दाखवून निघून गेली. करिनाने आपल्या पूर्वाश्रमीच्या प्रियकराला दुर्लक्ष करण्याची ही काही पहिलीच वेळ नाही.

या पुरस्कार सोहळ्यात बिनधास्त लूकमध्ये आलेल्या करिनाने आपला भूतकाळ कधीच कोणाला कळू दिला नाही. शाहिदशी निगडीत कोणतीच गोष्ट तिने आजपर्यंत कोणालाही कळू दिलेली नाही. या पुरस्कार सोहळ्यात शाहिदला मोस्ट स्टायलिश अवॉर्ड मिळाला तर दुसरीकडे करिनाला या वर्षीचा ट्रेंडसेटर अवॉर्ड मिळाला. करिना सध्या वीरे दी वेडिंग सिनेमाच्या चित्रीकरणामध्ये व्यग्र आहे. तर शाहिदचा पद्मावती सिनेमा सध्या वादाच्या भोवऱ्यात अडकला आहे. करिना आणि शाहिद या दोघांनी ब्रेकअपनंतर उडता पंजाब या सिनेमात एकत्र काम केले होते.

First published on: 06-12-2017 at 14:28 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Filmfare glamour and style awards 2017 shahid kapoor and kareen kapoor