अनुष्का शर्मा आणि वरूण धवन यांची मुख्य भूमिका असलेल्या आगामी 'सुई धागा'चा ट्रेलर सध्या सोशल मीडियावर चांगलाच चर्चेत आहे. याचं पहिलं कारण म्हणजे अनुष्का- वरूणची जोडी पहिल्यांदाच रुपेरी पडद्यावर पाहायला मिळत आहे. दुसरं म्हणजे यातला अनुष्काचा 'डी- ग्लॅम' अवतार. अनुष्का पहिल्यांदाच ग्लॅमरशिवाय अत्यंत साध्या रुपात या चित्रपटात पाहायला मिळणार आहे. मात्र, डी- ग्लॅम अवतारातील ट्रेलरमधील तिचे काही हावभाव नेटकऱ्यांसाठी हास्यास्पद ठरले आहेत. याचे गमतीशीर मीम्स सोशल मीडियावर जोरदार व्हायरल होत आहेत. ट्रेलरमधील अनुष्काचा रडतानाचा एक सीन चांगलाच प्रसिद्ध होत आहे. तिच्या त्या फोटोवरून अनेकांनी विनोदी कॅप्शन देत मीम्स तयार केले आहेत. फक्त अनुष्काच नाही तर वरुणचेही बरेच मीम्स सोशल मीडियावर पाहायला मिळत आहेत. When finally it's your turn to sit on Window Seat in Mumbai Local. pic.twitter.com/XznwlrhRPy — Godman Chikna (@Madan_Chikna) August 14, 2018 वाचा : कठीण काळातही पाठीशी खंबीर उभ्या राहिलेल्यांसाठी सोनाली बेंद्रेच्या मुलाची भावनिक पोस्ट शरत कटारिया दिग्दर्शित या चित्रपटात अनुष्का आणि वरुण पती- पत्नीच्या भूमिकेत आहेत. ममता आणि मौजी अशी त्यांच्या भूमिकांची नावं आहेत. मौजी लहान- मोठी नोकरी करत असतो आणि त्याला मालकाकडून अनेकदा अपमान सहन करावा लागतो. पतीच्या अपमानामुळे त्रासलेली ममता त्याला स्वत:चा व्यवसाय सुरू करायला लावते. पुढे दोघंही मिळून शिलाई आणि भरतकामाचा व्यवसाय मोठा करतात.