हृतिकमुळे गरजूंच्या पोटात जाणार अन्नाचा कण; ‘एनजीओ’च्या माध्यमातून करतोय अशी मदत

सध्या देशावर जी परिस्थिती ओढावली आहे. त्यात अनेकांची उपासमार होताना दिसत आहे. त्यामुळे अशा लोकांना पौष्टीक जेवण मिळावं म्हणून हृतिकने एका एनजीओसोबत हातमिळवणी केली आहे. या संस्थेच्या माध्यमातून तो १.२ लाख लोकांना तयार जेवण पुरवणार आहे. एनजीओने ट्विटरवर पोस्ट शेअर करत ही माहिती दिली. समाजातील गरजू कामगार आणि वृद्धांना या एनजीओच्या माध्यमातून तयार जेवण पुरवलं जाणार असून हृतिकने या मदतकार्यात मदतीचा हात पुढे केल्याचं त्यांनी सांगितलं.

We are happy to share, our Foundation is now empowered by Superstar @iHrithik. Together, we will facilitate 1.2 lakh nutritious cooked meals to old age homes, daily wage labourers & low income groups across India, until normalcy in work routine.
— Akshaya Patra Official (@AkshayaPatra) April 7, 2020

‘आता आमच्या एनजीओसोबत सुपरस्टार हृतिक रोशनचं नाव जोडलं गेलंय हे सांगताना आम्हाला अत्यानंद होत आहे. आता हृतिकच्या मदतीने आम्ही वृद्धाश्रम, रोजंदारीवर काम करणारे कामगार आणि देशभरात दारिद्ररेषेखाली असलेल्या नागरिकांसाठी पौष्टीक जेवण पुरवणार आहोत. जोपर्यंत देशातील परिस्थिती पूर्वपदावर येत नाही तोपर्यंत आम्ही ही मदत करु’, असं एनजीओने ट्विट केलं.

Let’s all keep doing what we can in our own ways . no contribution is too large or too small. All the best to us. https://t.co/p5ip9XgKIz
— Hrithik Roshan (@iHrithik) April 7, 2020

एनजीओच्या या ट्विला हृतिकनेही उत्तर दिलं आहे. ‘आपल्या देशात कोणीही उपाशी झोपू नये यासाठी आपण प्रयत्न करु. तुम्ही सगळे खरे सुपरहिरो आहात’, असा रिप्लाय हृतिकने दिला.

दरम्यान, हृतिकने मदतीसाठी हात पुढे केलेले एनजीओ समाजील गरजू, रोजंदारीवर काम करणारे कामगार, बेघर लोक यांना मदत करते. ही एनजीओ समाजातील दुर्बल घटकांना जेवण पुरवते.