भारत असहिष्णू बनला आहे; महाभारतातील श्रीकृष्णाची व्यथा

यावेळी त्यांनी म्हटले की, सध्याच्या घडीला भारत असहिष्णू बनला आहे. मी एखाद्या धार्मिक ग्रंथातील विचार मांडला तर मला लगेच आरएसएसचे लेबल लावले जाते. देशातील जनता आणि प्रसारमाध्यमे एखाद्या अस्सल भारतीय गोष्टीचा संबंध लगेच आरएसएसशी का जोडतात? असा सवाल यावेळी त्यांनी उपस्थित केला. माझ्या वाचनाच्या बळावर मी काही गोष्टी मांडतो. त्यांचा आरएसएसशी कोणताही संबंध नाही. तुम्हाला हिंदू धर्माबद्दल काही बोलायचे असेल तर तुम्ही आरएसएसशी संबंधित आहात का, असा प्रश्न विचारला जातो. समाजातील तथाकथित उदारमतवादी,  पेस्युडो बुद्धिवादी  आणि प्रसारमाध्यमांकडून अशाप्रकारची लेबल्स लावली जातात. त्यामुळे देशात इतर दृष्टीकोन आणि विचार मांडण्यासाठी व्यासपीठ उरले नसल्याचे चित्र निर्माण झाले आहे, असे नितीश भारद्वाज यांनी सांगितले.
गेली कित्येक वर्षे कम्युनिस्ट, काँग्रेस समर्थक आणि इतिहासकारांकडून शालेय अभ्यासक्रमासाठीची पाठ्यपुस्तके लिहली जात आहेत. तुम्ही विद्यार्थ्यांना नेहमी विविध विचार आणि दृष्टीकोन  अभ्यासण्याची संधी दिली पाहिजे. तुम्ही एखादा विचार सातत्याने इतरांच्या गळी उतरवू शकत नाही, असे मत यावेळी त्यांनी मांडले.