मोदींच्या बालपणावर आधारित लघुपटाचे राष्ट्रपती भवनात स्पेशल स्क्रिनिंग

जवळपास ३२ मिनिटांच्या या लघुपटातील मुख्य भूमिकेचे नाव नारू असे आहे. नरेंद्र मोदींचे बालपण याच चित्रीत केले असून येत्या २९ जुलै रोजी तो प्रदर्शित होणार आहे. बालकलाकार धैर्य दर्जी याने मोदींच्या बालपणाची भूमिका साकारली आहे. राष्ट्रपती रामनाथ कोविंद यांनी लघुपट पाहिल्यानंतर ट्विटरच्या माध्यमातून त्याची प्रशंसा केली. ”चलो जीते है’ हा लघुपट पाहिला. मंगेश हाडवळे दिग्दर्शित या चित्रपटात बालपण, निरागसता आणि बंधुभाव या गोष्टी अधोरेखित केल्या आहेत,’ असे ट्विट राष्ट्रपतींनी केले आहे.

राष्‍ट्रपति कोविन्‍द ने राष्‍ट्रपति भवन में आज एक विशेष स्‍क्रीनिंग में फिल्‍म ‘चलो जीते हैं’ देखी। मंगेश हदावले द्वारा निर्देशित इस फिल्‍म में बचपन, मासूमियत और भाई-चारे की कहानी दर्शाई गई है। pic.twitter.com/MVAA9N1rdf

— President of India (@rashtrapatibhvn) July 24, 2018

शेतकरी आत्महत्यांवर आधारित ‘टिंग्या’ या मराठी चित्रपटाचे दिग्दर्शन मंगेश हाडवळे यांनी केले होते. मोदींचे बालपण चित्रपटाच्या रुपात रेखाटण्यासाठी त्यांनी बराच अभ्यास केला. ‘१९६० ते १९६५ दरम्यानचे बरेच गुजराती चित्रपट मी पाहिले. तेव्हाची संस्कृती आणि इतर गोष्टी जाणून घेण्यासाठी मला त्याची खूप मदत झाली. त्याचप्रमाणे जवळपास तीन वर्षांतील  मन की बात मी ऐकल्या आणि मोदींच्या बऱ्याच मुलाखती पाहिल्या. लघुपट ७५ टक्के सत्यघटनांवर आधारित असून त्यातील २५ टक्के गोष्टी काल्पनिक आहेत.’ असे ते सांगतात.