‘सिंघम’ चित्रपटातून अनेकांच्या मनात घर करणारी अभिनेत्री म्हणजे काजल अग्रवाल. तिने २०२०मध्ये उद्योगपती गौतम किचलूशी लग्न केले. त्यांच्या लग्नातील फोटो सोशल मीडियावर प्रचंड व्हायरल झाले होते. यानंतर आता नवीन वर्षाच्या सुरुवातीलाच काजल आणि गौतम यांनी चाहत्यांना गुडन्यूज दिली आहे. अनेक दिवसांपासून सुरु असलेल्या प्रेग्नंसीच्या चर्चांवर शिक्कामोर्तब करुन त्यांनी आई-बाबा होणार असल्याचे सांगितले. परंतु त्याच वेळी काही नेटकऱ्यांनी तिला ‘बॉडीशेम’ करत ट्रोल केले आहे.
काजलने तिच्या इन्स्टाग्राम अकाऊंटवर दुबई ट्रीपचे काही फोटो शेअर केले आहेत. हे फोटो शेअर करत तिने गरोदरपणातील बॉडी शेमिंगवरुन ट्रोल करणाऱ्यांना सुनावले आहे. ‘सध्या मी माझ्या आयुष्यातील एकदम नव्या आणि आश्चर्यकारक फेजमधून जात आहे. माझ्या शरीरात होणारे बदल, माझे घर आणि माझ्या कामाच्या ठिकाणी होणारे बदल या सर्व गोष्टींना मी समोरी जात आहे. याशिवाय, काही कॉमेंट्स, बॉडी शेमिंग करणारे मेसेजेस, मीम्स खरोखरच यासाठी मदत करत नाहीत. थोड दयाळूपणे वागायला शिकूया. हे जर फार कठिण असेल तर जगा आणि जगू द्या’ या आशयाचे कॅप्शन दिले आहे.
Video: अजय-अतुलचे म्युझिक आणि बिग बींची एण्ट्री; नागराज मंजुळेंच्या ‘झुंड’चा टीझर प्रदर्शित
काजल अग्रवालची ही पोस्ट सध्या सोशल मीडियावर चर्चेत आहे. अनेक कलाकारांनी कमेंट करत तिला पाठिंबा दिला आहे. तर काही चाहत्यांनी देखील तिला कमेंट करत पाठिंबा दिला आहे.
काजल आणि गौतम यांनी ३० ऑक्टोबर २०२० रोजी लग्न केले. मोठ्या थाटामाटात त्यांचा विवाहसोहळा पार पडला. काही कलाकारांनी देखील त्यांच्या लग्नाला हजेरी लावली होती. काजल आणि गौतम जवळपास ७ वर्षे एकमेकांना डेट करत होते. त्यानंतर त्यांनी लग्न करण्याचा निर्णय घेतला होता. ती पतीसोबतचे फोटो सोशल मीडियावर नेहमी शेअर करताना दिसते. आता सोशल मीडियाद्वारे तिने ट्रोल करणाऱ्यांना उत्तर दिले आहे.
