अभिनेत्री दिया मिर्झाचा एक्स मॅनेजर राहिला फर्निचरवाला आणि व्यावसायिक करण सजनानी यांना १४ दिवसांची न्यायालयीन कोठडी सुनावण्यात आली आहे. काही दिवसांपूर्वी या दोघांकडे २०० किलो गांजा सापडला होता. याप्रकरणी आता त्यांना ३० जानेवारीपर्यंत न्यायालयीन कोठडी सुनावण्यात आली आहे. मुंबईच्या एस्प्लेनेट कोर्टाने हा निर्णय दिला आहे. काही दिवसांपूर्वी एनसीबीच्या मुंबई युनिटने मुंबईतील तीन भागांमध्ये छापे टाकले होते. यात दोन महिला आणि एका ब्रिटीश नागरिकाला अटक करण्यात आली होती. तसंच अटक करण्यात आलेल्या आरोपींमध्ये बॉलिवूडची माजी मॅनेजर राहिला फर्निचरवाला, शाहिस्ता फर्निचरवाला आणि करण सजनानी या तिघांचादेखील समावेश असल्याचं सांगण्यात येत आहे. Mumbai's Esplanade Court has sent celebrity manager Rahila Furniturewala and businessman Karan Sajnani to 14-day judicial custody, in connection with a drug case — ANI (@ANI) January 16, 2021 याप्रकरणी झालेल्या चौकशीमध्ये सजनानीने तो कोणाला ड्रग्स पुरवतो हे सांगितलं आहे. तसंच त्याने मुच्छ पानवाले यांचंही नाव घेतलं आहे. दरम्यान, अभिनेता सुशांत सिंह राजपूत मृत्यू प्रकरणानंतर कलाविश्वातील ड्रग्स प्रकरण समोर आलं आहे. या प्रकरणी आतापर्यंत सारा अली खान, रकुल प्रीत सिंह, श्रद्धा कपूर, अर्जुन रामपाल, दीपिका पदुकोण या सारख्या अनेक दिग्गज कलाकारांची नाव समोर आली असून त्यांची एनसीबीने चौकशी केली आहे.