अभिनेत्री ऋतुजा बागवे ही मराठी मनोरंजन सृष्टीतील बहुआयामी अभिनेत्रींपैकी एक आहे. काही दिवसांपूर्वीच तिने स्वतःच नवीन घर घेतलं. नुकताच तिने या नवीन घरात गृहप्रवेश केला, ज्याची अजूनही चर्चा सुरू आहे. आता ऋतुजाने तिच्या चाहत्यांना आणखीन एक आनंदाची बातमी दिली आहे. ऋतुजा पहिल्यांदाच चित्रपटांमध्ये प्रमुख भूमिका साकारताना दिसणार आहे. या तिच्या नायिका म्हणून पहिल्या असलेल्या चित्रपटाचा टीझर नुकताच प्रदर्शित झाला. या चित्रपटाचे नाव आहे 'लंडन मिसळ.' रवींद्रनाथ टागोर यांच्या एका नाटकावरून 'लंडन मिसळ' हा चित्रपट प्रेरित आहे. आणखी वाचा : Video: ऋतुजा बागवेने खरेदी केलं नवीन घर, गृहप्रवेशाचा व्हिडीओ पोस्ट करत म्हणाली… या चित्रपटात ऋतुजा बागवे, रितिका श्रोत्री, माधुरी पवार, गौरव मोरे, निखील चव्हाण, ऋतुराज शिंदे आणि सुनील गोडबोले हे कलाकार प्रमुख भूमिकेत आहेत तर भरत जाधव एका हटके भूमिकेत प्रेक्षकांचं निखळ मनोरंजन करताना दिसणार आहेत,आणि ही प्रेक्षकांसाठी मोठी मेजवानी असेल. आदिती आणि रावी या लंडनमध्ये राहणाऱ्या दोन सख्ख्या बहिणींची ही कथा आहे. आपल्या बाबांचे स्वप्न पूर्ण करण्यासाठी त्यांना अनेक अडी-अडचणींचा सामना करावा लागतो,आणि त्यावेळी ज्या दिव्यातून त्यांना जावं लागतं त्याची कथा म्हणजे लंडन मिसळ. या चित्रपटाचा टीझर ऋतुजाने तिच्या इन्स्टाग्राम स्टोरीवर शेअर करत लिहिलं, "नायिका म्हणून माझा पहिला चित्रपट." हेही वाचा : “जेव्हा लोक विचारतात, वय झालंय लग्न कधी करणार? तेव्हा…” ऋतुजा बागवेची पोस्ट चर्चेत नाटक, अभिनय, संगीत, नृत्य, खळखळून हसवणारे विनोद आणि झणझणीत मिसळ याची जुगलबंदी प्रेक्षकांना या चित्रपटात अनुभवायला मिळणार आहे. 'लंडन मिसळ' या चित्रपटाचे निर्माते अमित बसनेट, सुरेश गोविंदराय पै आणि आरोन बसनेट आहेत तर सह-निर्माते सानिस खाकुरेल आहेत. दिग्दर्शक जालिंदर कुंभार यांनी चित्रपटाची कथा लिहिली आहे. हा चित्रपट येत्या २७ ऑक्टोबरला प्रदर्शनासाठी सज्ज आहे.
