अभिनेत्री क्रांती रेडकरने २०१७ मध्ये सरकारी अधिकारी समीर वानखेडे यांच्याबरोबर लग्न केलं. या जोडप्याला झिया आणि झायदा अशा दोन मुली आहेत. क्रांती तिच्या मुलींचे अनेक व्हिडीओ आणि किस्से सोशल मीडियावर त्यांचा चेहरा न दाखवता शेअर करत असते. त्या दोघींची नाव झिया-झायदा अशी असली तरीही, अभिनेत्री त्यांना प्रेमाने छबील आणि गोदो अशी हाक मारते. हेही वाचा : सायली-अर्जुनच्या खोलीत अस्मिता लपवणार मोबाइल, कॉन्ट्रॅक्ट मॅरेजचं भांडं फुटणार? पाहा नवीन प्रोमो… क्रांती रेडकरने अलीकडेच नवरात्र उत्सवानिमित्त तिच्या राहत्या घरी कन्या पूजन सोहळ्याचं आयोजन केलं होतं. यावेळी लहान मुलींना घरी बोलावून अभिनेत्रीने त्यांचं मोठ्या प्रेमाने स्वागत केलं. नवरात्रीनिमित्त या मुलींना भरपूर खाऊ आणि गिफ्ट्स क्रांतीने दिले. या लहान मुलींची प्रेमाने विचारपूस केली. हा व्हिडीओ अभिनेत्रीने सोशल मीडियावर शेअर केला आहे. हेही वाचा : कंगना रणौतने केलं रावण दहन, ५० वर्षांच्या इतिहासात पहिल्यांदाच एका महिलेला मिळाला मान; अध्यक्षांनी सांगितलं निवडीचं कारण क्रांतीने हा व्हिडीओ शेअर केल्यावर अनेक नेटकऱ्यांनी, "तुम्ही स्वत:च्या मुलींचे चेहरे दाखवत नाही पण, इतर मुलींचे दाखवता" अशाप्रकारच्या कमेंट्स करून अभिनेत्रीवर टीका केली. एक युजर लिहितो, "मॅडम तुम्ही स्वत:च्या मुलींचे चेहरे दाखवत नाही आणि इतर मुलींचे व्हिडीओ काढून त्यांचे चेहरे दाखवताय हा अधिकार कुणी दिला? पूर्वी व्हिडीओमध्ये स्वत:च्या मुलींचा चेहरा दाखवलेला नाही हे शोभत नाही तुम्हाला" नेटकऱ्यांच्या या टीकेला कमेंट्स सेक्शनमध्ये क्रांती रेडकरने थेट उत्तर दिलं आहे. https://www.instagram.com/reel/CyxaWUNO2-x/?utm_source=ig_web_copy_link&igshid=MzRlODBiNWFlZA== हेही वाचा : गूढ गोष्टींचे रहस्य उलगडणार, ‘निळावंती’ चित्रपटाचे उत्कंठावर्धक पोस्टर प्रदर्शित क्रांती रेडकरने दिलं उत्तर क्रांती नेटकऱ्यांना म्हणाली, "त्या मुलींचे आई-वडीलचं काढत होते व्हिडीओ पोस्ट करण्यासाठी…काळजी नसावी. छबील आणि गोदोच्या संरक्षणाची जबाबदारी तुम्ही घेता का?, तर मी दाखवते चेहरे…निदान व्हिडीओची भावना तरी समजून घ्या. सारखं आपलं तत्त्वज्ञान झाडू नये. सारखे नकारात्मक विचार करू नका." दरम्यान, क्रांती आणि समीर वानखेडे यांच्या जुळ्या मुली झिया आणि झायदाचा जन्म २०१८ मध्ये झाला. सध्या त्या पाच वर्षांच्या आहेत. अभिनेत्री त्या दोघींचे अनेक किस्से सोशल मीडियावर शेअर करत असते.
