“मला एका मोठ्या दिग्दर्शकाने…”, मानसी नाईकने सांगितला ‘तो’ किस्सा, म्हणाली “टाईमपास म्हणून…”

मानसी नाईकने नुकतंच अभिनेत्री भार्गवी चिरमुलेच्या ‘गप्पा मस्ती’ या युट्यूब चॅनलला मुलाखत दिली. या मुलाखतीत तिने तिच्या वैयक्तिक आयुष्यासह प्रोफेशनल आयुष्याबद्दल भाष्य केले. यावेळी ती म्हणाली, “रील्स करणे हे माझ्यासाठी ऑडिशन आहे, असंच मी समजते. मी खरंच तुम्हाला सांगते, रील्स करणं हा लोकांना टाईमपास वाटतो. मला काहीच काम नाही, रील्स करायचं म्हणून मी तयार होते. पण असं काहीही नाही. माझ्यासाठी ती एक ऑडिशन असते. मला जे लोक पाहतात, त्यांच्या सर्वांसाठी मी ते करते.”
आणखी वाचा : “प्रसिद्धीसाठी वापर, पॉकेटमनी अन्…”, मानसी नाईकने सांगितली लग्न व घटस्फोटाची संपूर्ण कहाणी; म्हणाली “त्यांच्या घरी धुणी-भांडी”

“मी अजूनही ऑडिशन देते, पण ते रील्सद्वारे देते. कारण माझे ऑडिशन तसेही सुरुच आहेत. आपण विविध भाषेतही काम करतो. रील्सच्या १५, ३०, ६० सेकंदात आपण खूप काही गोष्टी दाखवू शकतो. माझे व्हिडीओ एका भाषेतील नसतात. मी मराठी, तामिळ, तेलुगू या सर्व भाषेत व्हिडीओ करते. त्याबरोबर लिपसिंकही करते. हे एक ऑडिशन आहे. मला त्यात कोणतीही लाज वाटत नाही.

मला एकदा एक मोठा दिग्दर्शक म्हणाला होता की, तू अजूनही रील्स का करते? तू इतकी मोठी अभिनेत्री आहेस? त्यावेळी मी त्या दिग्दर्शकाला सांगितलं की, मी मोठी नाही आणि दुसरं म्हणजे मला अजून चित्रपट मिळत नाही, म्हणून मी रील्स करते. मला याची खंत वाटते. याबद्दल कधीकधी वाईटही वाटतं. पण माझ्यासाठी मी लहान कलाकार आहे. मला अजून मोठं व्हायचं आहे”, असेही मानसीने यावेळी सांगितले.

आणखी वाचा : “मला आई व्हायचे होते”, मानसी नाईकने सांगितलं लग्न करण्यामागचं खरं कारण, म्हणाली “मी ग्लॅमरस…”

दरम्यान मानसी नाईक ही सोशल मीडियावर सक्रीय असते. ती इन्स्टाग्रामवर कायमच रील व्हिडीओ करताना दिसते. मानसीने अक्षय्य तृतीयाच्या शुभदिनी नवीन घर घेतल्याची गुडन्यूज दिली होती. तिने मानसीने एक व्हिडीओ शेअर केला होता. यात ती घराबाहेर कलशाची पूजा करताना दिसत आहे. तसेच ती नव्या घराच्या दरवाजावर ‘श्री’ असे लिहितानाही दिसत आहे. यानंतर ती पूजा करताना दिसली होती.