scorecardresearch

Premium

“हिंदी सिनेमांच्या गर्दीत…” सुबोध भावेची ‘झिम्मा २‘बद्दलची खास पोस्ट चर्चेत

अभिनेता सुबोध भावेची ‘झिम्मा २‘बद्दल पोस्ट

subodh bhave posts about jhimma 2
सुबोध भावेची ‘झिम्मा २‘बद्दल पोस्ट

सध्या बॉक्स ऑफिसवर ‘सॅम बहादुर’ विरुद्ध ‘अ‍ॅनिमल’ अशी जबरदस्त पाहायला मिळत आहे. ‘अ‍ॅनिमल’ या चित्रपटाचं कथानक, सादरीकरण अन् त्यावरून निर्माण झालेलं वादंग यामुळे या चित्रपटाची चांगलीच चर्चा आहे. मिश्र प्रतिक्रिया मिळत असल्या तरी ‘अ‍ॅनिमल’ने पाच दिवसात बॉक्स ऑफिसवर ४०० कोटींच्या कमाईचा टप्पा पार केला आहे. यामध्ये मात्र विकी कौशलचा ‘सॅम बहादुर’ मात्र चांगलाच मागे पडला आहे, अद्याप या चित्रपटाने ५० कोटींचाही आकडा गाठलेला नाही.

या गदारोळात मात्र मराठी चित्रपट ‘झिम्मा २’ मात्र तग धरून उभा आहे. दोन्ही हिंदी चित्रपटातील क्लॅशचा ‘झिम्मा २’ला अजिबात फटका बसला नसल्याचं दिसत आहे. चित्रपटाला फार स्क्रीन्स जरी दिलेल्या नसल्या तरी आहेत त्या स्क्रीन्समध्ये चित्रपट हाऊसफूल्ल सुरू असल्याचं सांगितलं जात आहे. नुकतंच मराठी अभिनेता सुबोध भावेनेही याबद्दल पोस्ट शेअर केली आहे.

laxmikant berde daughter swanandi berde debut
लक्ष्मीकांत बेर्डेंची लेकही करणार चित्रपटसृष्टीत पदार्पण; ‘या’ प्रसिद्ध अभिनेत्याबरोबर करणार काम
sonalee-kulkarni
“याची अन् नटरंगची कथा… “, ‘मलाइकोट्टई वलीबन’ चित्रपटाबद्दल मराठमोळ्या सोनाली कुलकर्णीचं मोठं वक्तव्य
sadhu meher passes away at mumbai residence
ज्येष्ठ दिग्दर्शक, अभिनेते साधू मेहर यांचे निधन
amitabh-bachchan2
“प्रादेशिक चित्रपट उत्तम पण…” हिंदी चित्रपटसृष्टीची बाजू घेत अमिताभ बच्चन यांनी केली प्रेक्षकांची कानउघडणी

हेही वाचा : बूट चाटण्याचा सीन, ‘नॅशनल क्रश’ म्हणून मिळालेली ओळख; तृप्ती डिमरीने ‘अ‍ॅनिमल’मधील कामाबद्दल प्रथमच केलं भाष्य

सुबोध भावेने नुकताच ‘झिम्मा २’ पाहिला असून त्याबद्दल इंस्टाग्राम स्टोरीवर एक फोटो शेअर केला आहे. यात सुबोध लिहितो, “आजूबाजूच्या हिंदी सिनेमांच्या गर्दीत आमचा मराठी चित्रपट हाऊसफूल्ल गर्दीत चालू आहे, याचा प्रचंड आनंद आहे. रसिक प्रेक्षकांना धन्यवाद आणि धमाल चित्रपट दिल्याबद्दल ‘झिम्मा २’ संघाचे खूप कौतुक.” हा फोटो शेअर करताना त्याने चित्रपटातील सगळ्या कलाकारांना व दिग्दर्शक हेमंत ढोमेलाही टॅग केलं आहे.

‘झिम्मा २’ २४ नोव्हेंबरला प्रदर्शित झाला प्रदर्शनाच्या पहिल्याच दिवशी या चित्रपटाने ०.९५ कोटीची कमाई केली होती. दुसऱ्या दिवशी या चित्रपटाने १.७७ कोटीचा गल्ला जमवला होता. तिसऱ्या दिवशी ‘झिम्मा २’ने २.०५ कोटींचा व्यवसाय केला. चौथ्या दिवशी चित्रपटाने ०.७५ कोटीची कमाई केली आहे. पाचव्या दिवशी चित्रपटाने ०.५५ कोटींची कमाई केली होती. तर सहाव्या दिवशी ०.६९ कोटीचा गल्ला जमवला होता. सातव्या दिवशी चित्रपटाने ०.६५ कोटींची व्यवसाय केला आहे. आठवडाभरात चित्रपटाने एकूण ७.७१ कोटींची कमाई केली आहे.

‘झिम्मा २’ चित्रपटात सिद्धार्थ चांदेकर, सुहास जोशी, सुचित्रा बांदेकर, क्षिती जोग, निर्मिती सावंत, सायली संजीव, शिवानी सुर्वे, रिंकू राजगुरू यांच्या प्रमुख भूमिका आहेत. २०२१ मध्ये या चित्रपटाचा पहिला भाग ‘झिम्मा’ प्रदर्शित झाला होता. ‘झिम्मा’च्या पहिल्या भागानेही बॉक्स ऑफिसवर जबरदस्त कमाई केली होती.

Latest Comment
View All Comments
Post Comment

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Subodh bhave posts about jhimma 2 success avn

First published on: 07-12-2023 at 13:02 IST

संबंधित बातम्या

तुम्ही या बातम्या वाचल्या आहेत का? ×