“मी मिलिंद सोमणला नग्नावस्थेत बघितलंय”; समोर आली त्या वादग्रस्त फोटोमागील कहाणी

१९९५ मध्ये जेव्हा ही जाहिरात करण्याचा निर्णय घेतला होता, तेव्हा मिलिंद आणि मधू हे लोकप्रिय मॉडेल होते. एवढचं काय तर ते रिलेशनशिपमध्ये असल्याचे देखील म्हटले जात होते. त्यामुळे त्या दोघांना एकत्र या जाहिरातीत काम करने सोपे असेल अशी चर्चा होती. त्यानंतर त्या दोघांना या जाहिरातीत घेण्यात आलं आणि त्यांनी हे नग्नावस्थेत फोटोशूट केलं.

मिलिंद आणि मधु नग्नावस्थेत असून ते एकमेकांना मिठी मारत असल्याचे दिसत आहे. तर एक अजगर त्यांच्याभोवती आहे. टफ शूज ही एकमेव अशी गोष्ट होती जी त्या दोघांनी या जाहिरतीत परिधान केले होते. यावरून खूप मोठा वाद निर्माण झाला होता.

आणखी वाचा : मी माझे करिअर न निवडता तुला निवडले पण…; अक्षयसोबत साखरपुडा मोडण्याचे रवीनाने सांगितले होते कारण

मिलिंद आणि मधूच्या नग्नावस्थेत फोटोशूट विषयी सगळं ठरवणारी महिला, एल्सी नानजी या विषयी ‘इकॉनॉमिक टाइम्स’ला दिलेल्या मुलाखतीत म्हणाली, “तो खूप कठीण काळ होता कारण माझ्यावर फोटोग्राफर आणि मॉडेल्ससाठी जबाबदारी होती. जरी क्लायंटने जाहिरात स्वीकारली आणि रिलीज केली असली तरी, मला त्यावेळी खूप दडपण जाणवले होते. कारण मी एक विशिष्ट गोष्ट ठरवल्यामुळे इतर लोकांना त्रास सहन करावा लागला.”

आणखी वाचा : ‘मला त्याची संपूर्ण हातगाडी…’, रस्त्यावर फळे फेकणाऱ्या महिलेचा व्हिडीओ पाहून अभिनेत्री संतापली

‘मुंबई मिरर’ला दिलेल्या मुलाखतीत ती म्हणाली होती, “न्यायालयात सिद्ध झाल्याप्रमाणे संपूर्ण गोष्ट ही अनावश्यक होती. असंवेदनशील जनतेने केलेल्या तर्कहीन निर्णयांमुळे याचा वेगळाच परिणाम झाला. मला असे वाटते की अशा परिस्थितीत लपून रहायला नको. जे आहे त्याचा सामना केला पाहिजे जेणेकरून आपण त्यातून मार्ग काढू शकतो. मी स्वत:ला या गोष्टीसाठी फेमस समजते की मी मिलिंद सोमनला नग्नावस्थेत पाहिले आहे.”