बॉलिवूड अभिनेता सुशांत सिंह राजपूत प्रकरणी दररोज नवनवीन खुलासे होत आहेत. तसेच या प्रकरणी ड्रग्स कनेक्शन देखील समोर आले. त्यानंतर नार्कोटिक्स कंट्रोल ब्युरो (NCB) तपास करत आहे. विशेष म्हणजे एनसीबी टीमचे सुरु असलेले तापसकार्य आय आर एस म्हणजे इंडियन रेव्हेन्यू सर्व्हिसेसचे ऑफिसर समीर वानखेडे करत आहेत. समीर हे मराठी चित्रपटसृष्टीमधील लोकप्रिय अभिनेत्रीचे पती आहेत.
समीर वानखेडे हे मराठी चित्रपटसृष्टीमधील अतिशय लोकप्रिय अभिनेत्रीचे क्रांती रेडकरचे पती आहेत. २०१७मध्ये समीर आणि क्रांती रेडकर यांनी लग्न केले. त्यावेळी क्रांतीने गुपचूप लग्न उरकले होते. त्यांच्या लग्नसोहळ्याला काही खास मंडळींनीच उपस्थिती लावली होती. आता त्यांना जुळी मुले आहेत. क्रांतीने २००३मध्ये ‘गंगाजल’ चित्रपटात काम केले आहे. तसेच ‘कोंबडी पळाली’ गाण्यासह जत्रा, माझा नवरा तुझी बायको, फुल थ्री धमाल अशा अनेक मराठी चित्रपटांमध्ये काम केले आहे.
समीर वानखेडे आय आर एस म्हणजे इंडियन रेव्हेन्यू सर्व्हिसेसचे ऑफिसर आहेत. समीर यांनी अनेक बॉलिवूड स्टार्सच्या घरी धाड टाकली आहे. त्यामध्ये विवेक ओबेरॉय, अनुराग कश्यप, रामगोपाल वर्मा अशा अनेक कलाकारांचा समावेश आहे. २०१३मध्ये जेव्हा मिका सिंगला मुंबई विमानतळावर विदेशी करंसीसोबत पकडण्यात आले तेव्हा देखील समीर यांनी कारवाई केली होती.
आणखी वाचा- रियाचा भाऊ शोविकला अटक होताच सुशांतच्या बहिणीने केली पोस्ट, म्हणाली…
आता सुशांत सिंह राजूपत आत्महत्या प्रकरणी समीर यांचे तपासकार्य सुरु आहे. ते त्यांच्या टीमसोबत शुक्रवारी सकाळी तपासासाठी रिया चक्रवर्तीच्या घरी पोहोचली होती. तसेच त्यांची चौकशीही करण्यात आली. त्यानंतर एनसीबीची टीम आपल्यासोबत शोविकला घेऊन गेली. याप्रकरणी ड्रग्स कनेक्शनबाबत नारकोटिक्स कंट्रोल ब्युरोने शोविक सोबत अटक केलेल्या ड्रग पॅडलर बासित आणि झैद यांचीही चौकशी केली. सर्वांना एकत्र बसवून त्यांचे जबाब नोंदवून घेण्यात आले आहेत.
