किसिंग सीनमुळे बिपाशा बासू पडायची आजारी; सांगितला चकित करणारा अनुभव

बिपाशा बासू ‘डेंजरस’ या वेब सीरिजच्या माध्यमातून रुपेरी पडद्यावर पुनरागमन करत आहे. या सीरिजच्या निमित्ताने स्पॉटबॉयला दिलेल्या मुलाखतीत बिपाशाने चित्रपटांमधील चुंबन दृश्यांवर भाष्य केलं. ती म्हणाली, “नवरा सहकलाकार असेल तर इंटिमेट सीन्स करताना मानसिक तणाव जाणवत नाही. पण अनोळखी कलाकारासोबत अशी दृश्य चित्रीत करणं सोप नसत. आपण कितीही प्रोफेशनल आप्रोच ठेवला तरी कॅमेरासमोर किस करताना दडपण येतंच. यापूर्वी अशी दृश्य चित्रीत होऊ नये यासाठी मी प्रयत्न करायचे. मला भीती वाटते, मला चक्कर येतेय. मला बरं वाटत नाहीये अशी कारण मी अनेकदा दिली आहेत.” असा अनुभव बिपाशाने सांगितला.

‘डेंजरस’ ही क्राईम मिस्ट्री प्रकारातील वेब सीरिज आहे. ही सीरिज नुकतीच एमएक्स प्लेअरवर प्रदर्शित झाली. या सीरिजमध्ये बिपाशासोबत तिचा पती करण सिंग ग्रोव्हर व नताशा सुरी यांनी मुख्य भूमिका साकारल्या आहेत. या सीरिजच्या माध्यमातून बिपाशाने रुपेरी पडद्यावर पुनरागमन केलं आहे. या सीरिजमध्ये देखील तिने अनेक इंटिमेट सीन्स केले आहेत.