बिग बॉस ओटीटीचं दुसऱ्या पर्वाच्या या आठवड्यात बरचं काही पाहायला मिळाला. स्पर्धेकांच्या कुटुंबातील सदस्यांच्या एंट्रीमुळे या आठवड्यातील वातावरण भावनिक झालं होतं. तसेच दुसऱ्या बाजूला या शोचा पहिला फायनलिस्ट अभिषेक मल्हान ठरला. याशिवाय बरंच काही या आठवड्यात घडलं आहे. अशातच आता मनीषा रानीचे वडील प्रमोद कुमार यांनी सलमान खानविषयी मोठं वक्तव्य केलं आहे. मागील आठवड्याच्या टास्क दरम्यान बेबिका आणि मनीषा रानीचे जोरदार भांडणं झालं होतं. यावेळी दोघींमध्ये धक्काबुकी सुद्धा झाली होती. यावरून गेल्या विकेंडच्या वारला सलमान खानने मनीषा आणि बेबिकाला चांगलंच सुनावलं होतं. पण प्रेक्षकांच म्हणणं आहे की, सलमानने बेबिकापेक्षा मनीषाला जास्त टार्गेट केलं. यावरच आता मनीषा रानीच्या वडिलांची प्रतिक्रिया समोर आली आहे. हेही वाचा - अभिनेत्री प्रिया बेर्डे यांचं छोट्या पडद्यावर पुनरागमन; ‘सिंधुताई माझी माई’मध्ये दिसणार ‘या’ भूमिकेत 'आयडब्ल्यूएम बझ' या एंटरटेन्मेंट मीडियाशी बातचित करताना प्रमोद कुमार यांनी सलमान खानच्या होस्टिंगवर वक्तव्य केलं आहे. त्यांना विचारण्यात आलं होतं की, 'धक्काबुकीवरून बेबिकापेक्षा सलमान खानने मनीषा रानीला जास्त टार्गेट केलं असं वाटलं नाही का?' यावर मनीषा रानीचे वडील म्हणाले की, "सलमान खानविषयी आम्ही जास्त काही बोलू शकत नाही. पण एक गोष्ट जरूर सांगेन. सलमान खान बिग बॉसचा शो पाहत नाही असं वाटतं. जे त्यांना बोलायला दिलं जातं, तेच ते बोलतात. जे त्यांना दाखवलं जातं, तेवढं ते पाहतात. ही खूप मोठी गोष्ट आहे, त्यामुळे याबाबत मी जास्त काही बोलू शकत नाही." हेही वाचा – AI ने तयार केला महेश मांजरेकरांचा जबरदस्त लूक; स्वतःचाच फोटो पाहून म्हणाले, “माझी इच्छा…” हेही वाचा – ‘कभी खुशी कभी गम’ चित्रपटातील अभिनेत्रीने उरकला साखरपुडा; फोटो शेअर करत चाहत्यांना दिली आनंदाची बातमी दरम्यान, बिग बॉस ओटीटीचं दुसरं पर्व संपण्यासाठी अवघे काही आठवडे बाकी आहे. त्यामुळे सध्या बिग बॉस ओटीटीमधील स्पर्धेकांमध्ये चांगलीच चुरस पाहायला मिळत आहे. आज जिया शंकर, मनीषा रानी, जैद हदीद आणि अविनाश सचदेव या चार स्पर्धकांमधून कोण शो बाहेर होणार, हे स्पष्ट होणार आहे.
