गणेशोत्सवाच्या या आठवड्यात थिएटरबरोबरच ओटीटीवरही काही चित्रपट व सीरिज रिलीज होणार आहेत. तुम्हाला घरबसल्या या कलाकृती पाहता येतील. सिद्धार्थ मल्होत्रा व जान्हवी कपूरचा ‘परम सुंदरी’ चित्रपट २९ ऑगस्टला थिएटरमध्ये रिलीज होतोय. दुसरीकडे सबा आझादचा एक चित्रपट ओटीटीवर येतोय.
या वीकेंडला तुम्हाला ओटीटीवर काय नवीन पाहता येईल, त्या चित्रपट व वेब सीरिजची यादी पाहुयात.
मेट्रो इन दिनों
सारा अली खान, आदित्य रॉय कपूर, अनुपम खेर, नीना गुप्ता, अली फजल, कोंकणा सेन शर्मा, पंकज त्रिपाठी आणि फातिमा सना शेख यांचा ‘मेट्रो… इन दिनों’ हा चित्रपट ओटीटीवर प्रदर्शित होणार आहे. हा चित्रपट २९ ऑगस्ट रोजी नेटफ्लिक्सवर प्रदर्शित होईल. या चित्रपटाने बॉक्स ऑफिसवर फार चांगली कामगिरी केली नाही, पण यातील गाण्यांचं खूप कौतुक झालं होतं.
साँग्स ऑफ पॅराडाईज
‘साँग्स ऑफ पॅराडाईज’ हा चित्रपट २९ ऑगस्ट रोजी प्राइम व्हिडीओवर प्रदर्शित होणार आहे. या चित्रपटात हृतिक रोशनची गर्लफ्रेंड सबा आझाद महान काश्मिरी गायिका राज बेगमच्या भूमिकेत आहे. आलिया भट्टची आई सोनी राजदान देखील या चित्रपटात आहे.
माय लाईफ विथ द वॉल्टर बॉईज: सीझन २
‘माय लाईफ विथ द वॉल्टर बॉईज’चा दुसरा सीझन आला आहे. दहा भागांचा हा सीझन एक टीनएज ड्रामा आहे. तुम्ही दुसरा सीझन आज २८ ऑगस्टपासून नेटफ्लिक्सवर पाहू शकता.
द थर्सडे मर्डर क्लब
‘द थर्सडे मर्डर क्लब’ हा चार जणांवर बेतलेला चित्रपट आहे. हे चार जण बरीच वर्षे काल्पनिक खुनांबद्दल विचार करतात व त्या खुनांचे रहस्य उलगडण्याचा प्रयत्न करतात. पण असं करता करता ते स्वतःच एका खऱ्या खून प्रकरणात अडकतात, त्यानंतर काय घडतं ते तुम्हाला या चित्रपटात पाहता येईल. आज २८ ऑगस्टपासून तुम्ही ‘द थर्सडे मर्डर क्लब’ नेटफ्लिक्सवर पाहू शकता.
कराटे किड- लीजेंड्स
‘कराटे किड- लीजेंड्स’ ३० ऑगस्टला नेटफ्लिक्सवर रिलीज होणार आहे. हा चित्रपट थिएटर्समध्ये रिलीज झाला तेव्हा याला भारतात चांगला प्रतिसाद मिळाला नव्हता. आता तो ओटीटीवर रिलीज होणार आहे.
