‘पंचायत सीझन ४’च्या अधिकृत ट्रेलरसह, त्याच्या रिलीजशी संबंधित सस्पेन्स संपला आहे. निर्माते बऱ्याच काळापासून संकेत देत होते की ही सीरिज लवकर स्ट्रीम केली जाऊ शकते. पूर्वी ही सीरिज २ जुलै रोजी प्रदर्शित होणार होती.
आता ताज्या अपडेटनुसार, नवीन सीझन २४ जून २०२५ रोजी येत आहे. टीझरमध्ये निवडणुकीचा इशारा होता. आता अधिकृत ट्रेलरमध्ये मंजू देवी आणि क्रांती देवी यांच्यात निवडणूक जिंकण्याच्या युक्त्या दिसून येतील, असे या ट्रेलरमध्ये दिसून येत आहे. आता निर्मात्यांनी आज (११ जून) ‘पंचायत सीझन ४’ची नवीन रिलीज डेट जाहीर केली आहे. चला जाणून घेऊया ही सीरिज आपण कुठे पाहू शकतो.
‘पंचायत सीझन ४’ची नवीन रिलीज डेट काय आहे?
अलीकडेच निर्मात्यांनी चाहत्यांना २ जुलै या नियोजित तारखेपूर्वी पंचायत रिलीज करण्यासाठी मतदान करण्यास सांगितले होते. त्याच वेळी चाहत्यांनी चौथ्या सीझनच्या लवकर रिलीजसाठी रेकॉर्डब्रेक मतदानदेखील केले. काल प्राइम व्हिडीओने एक क्लिप रिलीज केली, ज्यामध्ये लिहिले होते, मतदान केल्याबद्दल धन्यवाद. असेही लिहिले होते की, “फुलेराच्या लोकांना भेटण्यासाठी सज्ज व्हा, नवीन सीझन लवकरच येत आहे.”
निर्मात्यांनी ‘पंचायत सीझन ४’ची नवीन रिलीज डेट जाहीर केली आहे. आता तुम्हाला ही सीरिज २४ जूनपासून पाहता येईल. निर्मात्यांनी ट्रेलरसह रिलीजची तारीखही जाहीर केली आहे. कॅप्शनमध्ये लिहिले आहे, “निवडणूक सुरू झाली आहे, कोणाची निवड होईल, मंजू देवी की क्रांती देवी, २४ जूनपासून प्राइम व्हिडीओवर पंचायत.”
‘पंचायत सीझन ४’चा ट्रेलर प्रदर्शित झाला
निर्मात्यांनी आज (११ जून) ‘पंचायत ४’चा ट्रेलरदेखील प्रदर्शित केला आहे. ट्रेलर येताच प्रेक्षकांची मने जिंकली आहेत. ट्रेलरमध्ये फुलेरा गावातील वातावरण निवडणुकीबाबत तापले आहे आणि मंजू देवी आणि क्रांती देवीचा पक्ष जिंकण्यासाठी सर्वतोपरी प्रयत्न करत आहे. शोमध्ये पुन्हा एकदा हलक्याफुलक्या विनोदाबरोबर भावनांचाही स्पर्श आहे. एकूणच ट्रेलर येताच व्हायरल झाला आहे.
‘पंचायत सीझन ४’मध्ये जितेंद्र कुमार, नीना गुप्ता, रघुबीर यादव, चंदन रॉय, फैजल मलिक, दुर्गेश कुमार, पंकज झा आणि इतरही मुख्य भूमिकेत आहेत. ही सीरिज द व्हायरल फिव्हरने निर्मित केली आहे आणि दीपक कुमार मिश्रा आणि चंदन कुमार यांनी तयार केली आहे. या शोचे दिग्दर्शन दीपक कुमार मिश्रा आणि अक्षत विजयवर्गीय यांनी केले आहे.
