scorecardresearch

Premium

‘सायना’चं पहिलं पोस्टर रिलीज, परिणीती चोप्रा सायनाच्या भूमिकेत

सोशल मीडियावर शेअर केलं पोस्टर

‘सायना’चं पहिलं पोस्टर रिलीज, परिणीती चोप्रा सायनाच्या भूमिकेत

बॉलिवूड अभिनेत्री परिणीती चोप्रा सध्या तिच्या ‘गर्ल ऑन द ट्रेन’ या सिनेमामुळे चांगलीच चर्चेत आहे. सिनेमातील परिणीतीच्या भूमिकेला चाहत्यांची मोठी पसंती मिळतेय. या पाठोपाठ परिणीतीने तिच्या आगामी सिनेमाची तारीख जाहीर केलीय.

परिणीती चोप्रा बॅडमिंटनपट्टू सायना नेहवालच्या बायोपिकमधून चाहत्यांच्या भेटीला येणार आहे. या सिनेमाचं पहिलं पोस्टर परिणीतीने सोशल मीडियावर शेअर केलंय. ‘सायना’ असं या सिनेमाचं नाव असून 26 मार्चला हा सिनेमा प्रदर्शित होणार आहे. तर सिनेमासाठी परिणीती चोप्राने खूप मेहनत घेतली आहे.या आधी अभिनेत्री श्रद्धा कपूरला या भूमिकेसाठी कास्ट करण्यात आलं होतं. मात्र कालांतराने काही कारणास्तव श्रद्धाऐवजी परिणीतीला कास्ट करण्यात आलं.

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
asim sarode on rahul narvekar (1)
“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य
उपमुख्यमंत्र्यांच्या पत्नीने कोणते कपडे घालावेत, हे ठरवणारे तुम्ही कोण?

या भूमिकेसाठी परिणीती गेल्या अनेक दिवसांपासून मेहनत घेतेय. परिणीतीने काही दिवसांपूर्वी सोशल मीडियावर काही फोटो अपलोड केले होते. यात तिने सकाळी 5 वाजताच ती दिवसाची सुरुवात करत असल्याचं म्हंटलं होतं. वर्कआउट करुन सकाळी 6 वाजताच ती सराव सुरु करत होती. एका फोटोत परिणीतीने सायना नेहवालला टॅग केलंय. या फोटोला “आधी आणि नंतर.. तू हे कसं करतेस?” असं कॅप्शन परिणीतीने दिलं होतं. यात तिने दोन फोटो पोस्ट केले होते. एका फोटोत ती बॅटमिंटन खेळताना दिसतेय तर दुसऱ्या फोटोत दमल्यानंतर जमिनीवर ती झोपून गेल्याचं दिसतंय.

या सिनेमातील परिणीतीचा लूक आधीच समोर आलाय. सायना नेहवालने तिच्या ट्विटरवरुन परिणीतीचा लूक शेअर केला होता.
या फोटोला सायनाने  ‘माझ्या सारखीच दिसणारी’ असं कॅप्शन दिलं होतं.

2012 सालच्या ऑलिंपीक स्पर्धांमध्ये सायना नेहवालने कांस्य पदक पटकावलं आहे. तसंच आपल्या उत्कृष्ट खेळाने अनेक स्पर्धांमध्ये बाजी मारली. अनेक नवे विक्रम तिने गाठले आहेत. सायनाच्या याच कामगिरीची झलक या सिनेमात पाहायला मिळणार आहे.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Preeniti chopra shares poster of saina movie biopic of saina nehawal relesing in march kpw

संबंधित बातम्या

तुम्ही या बातम्या वाचल्या आहेत का? ×