म्हणून माझ्या बायोपिकमध्ये आलिया भट्टने मुख्य भूमिका साकारावी, राखी सावंतने व्यक्त केली इच्छा

‘ईटाइम्स’ने दिलेल्या वृत्तानुसार, “माझ्या बायोपिकमध्ये आलिया भट्टने मुख्य भूमिका साकारावी अशी माझी इच्छा आहे. आलिया बोल्ड आहे, तिला कोणाचीही भीती वाटत नाही,” असे राखी म्हणाली. राखीचा विश्वास आहे की पडद्यावर जी अभिनेत्री तिची भूमिका साकारेल तिच्यात हा गुण असला पाहिजे. एवढंच नाही तर प्रियांका चोप्रा आणि राधिका आप्टे देखील तिची भूमिका उत्तम रित्या साकारू शकतात असे राखीला वाटते.

पुढे राखी म्हणाली, “प्रियांका चोप्रा आणि राधिका आप्टे देखील बोल्ड आहेत. मी माझ्या आयुष्यात अनेक चढ-उतार पाहिले आहेत. मी कधीच माझा आत्मसन्मान कमी होई दिला नाही. मी माझ्या आयुष्यात अनेक लक्ष्मणरेषा ओलांडल्या आणि आदरपूर्वक जीवन जगण्याचे मी काम केले आहे.”

View this post on Instagram

A post shared by Rakhi Sawant (@rakhisawant2511)

जावेद अख्तर नक्की काय म्हणाले होते?

‘स्पॉटबॉय’ला दिलेल्या मुलाखतीत जावेद अख्तर यांनी राखीजे बोलते हे खरे असल्याचे सांगितले. जावेद अख्तर यांना विचारण्यात आले की, राखी म्हणाली की तुम्हाला तिच्या आयुष्यावर चित्रपट बनवायचा आहे हे सत्य आहे का? त्याला उत्तर देत जावेद अख्तर म्हणाले, “हो, ती खरं बोलत आहे. मला आठवतंय, आमची काही चार-पाच वर्षांपूर्वी विमानात भेट झाली. तिथे तिने मला तिच्या बालपणातील्या अनेक गोष्टी सांगितल्या आणि मी तिला सांगितले की एखाद्या दिवशी मला तुझ्या बायोपिकसाठी स्क्रिप्ट लिहायला आवडेल.”