अभिनेत्री दीपिका पदुकोण आणि रणबीर कपूर यांचं रिलेशनशिप एकेकाळी बरंच गाजलं होतं. दीपिका आणि रणबीर यांनी २००७ साली एकमेकांना डेट करायला सुरुवात केली होती. मात्र काही वर्षांत दोघंही एकमेकांपासून वेगळे झाले. मात्र आजही ते दोघं एकमेकांचे चांगले मित्र आहेत. २००७ साली जेव्हा या दोघांनी डेट करायला सुरुवात केली त्यावेळी त्यांनी नुकतंच बॉलिवूडमध्ये पदार्पण केलं होतं. २००८ मध्ये 'बचना ए हसिनों' चित्रपटाच्या सेटवर दीपिका आणि रणबीरच्या प्रेमाला बहर आला. रणबीरला डेट करायला सुरुवात करण्याआधी दीपिका निहार पांड्यासोबत रिलेशनशिपमध्ये होती. काही रिपोर्ट्सनुसार जेव्हा दीपिका पदुकोण तिच्या एक्स बॉयफ्रेंडसोबत बोलत असे किंवा त्याच्यासोबत टाइम स्पेंड करत असे ते रणबीर कपूरला आवडत नसे. एवढंच नाही तर रणबीरनं निहार पांड्याशी भर रस्त्यात भांडण केलं होतं. आणखी वाचा- करणवीरला ‘लूजर’ म्हटल्यावर संतापलेल्या त्याच्या पत्नीनं कंगनाला सुनावलं, म्हणाली… रणबीर कपूरनं दीपिकाच्या समोरच निहार पांड्याशी रस्त्यावर जोरदार भांडण केलं होतं. ज्यामुळे दीपिकाला सुद्धा मनस्ताप सहन करावा लागला होता. दीपिका जेव्हा रणबीरला डेट करत असताना काही वेळा निहार पांड्याला भेटत असे. त्याच्यासोबत लंचसाठी जात असे. त्यावेळी रणबीर कपूर उटीमध्ये शूटिंग करत होता. निहार आणि दीपिका त्याआधी त्यांच्या नात्याबद्दल फार गंभीर होते पण नंतर ते वेगळे झाले होते. पण तरीही ते एकमेकांचे चांगले मित्र होते. पण ही गोष्ट रणबीरला अजिबात आवडत नव्हती. जेव्हा दीपिका आणि निहार लंचसाठी गेले होते तेव्हा रणबीरनं शूटिंगवरून परत आल्यावर निहारसोबत वाद घातला होता. आणखी वाचा- “सुशांतच्या निधनानंतर…”, अंकिता लोखंडेनं केला धक्कादायक खुलासा रणबीर कपूरनं निहार पांड्याशी भर रस्त्यात वाद घातला. त्यावेळी त्यांच्यासोबत दीपिका सुद्धा होती. या दोघांमध्ये एवढं कडाक्याचं भांडण झालं की, अखेर दीपिकानं या दोघांमध्ये हस्तक्षेप करत दोघांचं भांडण थांबवलं. रणबीर दीपिकाच्या बाबतती खूप पझेसिव्ह होता. एवढंच नाही तर दीपिकानं इतर कोणाशी बोलल्यावर किंवा कोणाशी जवळीक साधल्यावर त्याला असुरक्षित वाटत असे. दरम्यान नंतर दीपिका आणि रणबीरचं ब्रेकअप झालं. दीपिकानं नंतर रणवीर सिंहशी लग्न केलं. मात्र रणबीरसोबत तिची मैत्री आजही कायम आहे.
