..म्हणून जिम सर्भला ‘पद्मावत’मध्ये घेण्यासाठी रणवीर होता आग्रही

पद्मावतमध्ये अल्लाउद्दीन खिलजी आणि त्याचा गुलाम मलिक काफूर यांच्यातील नात्यावरही हलका प्रकाश टाकण्यात आला आहे. चित्रपटात सुलतानासाठी वाट्टेल ते करण्यासाठी तयार असणाऱ्या मलिक काफूर जिमनं उत्तम रंगवला. जिमनंच ही भूमिका साकारावी यासाठी रणवीर सिंग आग्रही होता. ‘निरजा’सिनेमातील जिमची भूमिका रणवीरला आवडली होती. त्यानं हा सिनेमा पाहिला होता आणि हाच मलिक काफूरची भूमिका उत्तम साकारू शकेल अशी आशा रणवीरला होती त्यामुळे या भूमिकेसाठी जिमचं नाव रणवीरनं सुचवलं होतं. रणवीरची ही निवड अगदी योग्य ठरली  त्यामुळे दीपिका, शाहिदसोबत सहाय्यक अभिनेतेच्या भूमिकेत असलेला जिमही तितकाचा भाव खाऊन गेला.

जिमनं ‘निरजा’चित्रपटातून बॉलिवूडमध्ये पदार्पण केलं. निरजा चित्रपटात त्यानं विमानाचं अपहरण करणाऱ्या दहशतवाद्याची भूमिका साकारली होती. या चित्रपटातील भूमिकेसाठी त्याला सर्वोत्तम सहाय्यक अभिनेत्याचा फिल्मफेअर अवॉर्ड मिळाला होता.