वाढदिवसानिमित्त किंग खानला सलमानच्या शुभेच्छा! - मराठी बातम्या | Salman Khan Wishes Friend Shah Rukh Khan A Happy And Healthy Birthday

'आम्ही मित्र आहोत', हेच उत्तर शाहरुखविषयी विचारलेल्या प्रश्नावर सलमान खान नेहमी देत असतो.

शाहरुखला वाढदिवसानिमित्त माझ्याकडून खूप सा-या शुभेच्छा, असे सलमान म्हणाला.

‘आम्ही मित्र आहोत’, हेच उत्तर शाहरुखविषयी विचारलेल्या प्रश्नावर सलमान खान नेहमी देत असतो. मित्र-शत्रू-मित्र असे नाते सलमान आणि शाहरुखचे आहे. गेले काही वर्ष या दोघांच्या मैत्रीमध्ये कडवटपणा पाहावयास मिळाला होता. पण, हे दोन्ही खान आता पुन्हा एकदा एकत्र आले आहेत. इतकेचं नाही तर शाहरुखला ५० व्या वाढदिवसानिमित्त सलमानने शुभेच्छाही दिल्या.

फोटो गॅलरीः किंग खान @५०

आपल्या मित्राला वाढदिवसानिमित्त शुभेच्छा देत सलमान म्हणाला की, चित्रपटसृष्टीत त्याचे खूप उशिरा पदार्पण झाले. आधी आमिरने पदार्पण केले. मग अजय देवगण नंतर मी आणि त्यानंतर शाहरुखने पदार्पण केले. शाहरुखला वाढदिवसानिमित्त माझ्याकडून खूप सा-या शुभेच्छा. त्याला आणि त्याच्या संपूर्ण कुटुंबाला चांगले आरोग्य लाभो आणि त्यांना खूप सुंदर आयुष्य मिळू दे. शाहरुखच्या मुलांनी त्याचे नाव अजून पुढे न्यावे आणि त्याने आयुष्यात जे काही मिळवले आहे त्याहीपेक्षा त्यांनी प्रगती करावी, याच माझ्या सदिच्छा आहेत.
पुढील महिन्यात २७ तारखेला सलमानही ५० वर्षांचा होणार आहे. त्यावर आपण आता सत्तावीशीचे होणार असून, इतरजण पन्नाशीचे झाले आहेत असा खोडकर विनोदही सलमानने केला.

First published on: 02-11-2015 at 10:26 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Salman khan wishes friend shah rukh khan a happy and healthy birthday