बाळासाहेब भाषणातून गप्पा मारायचे पण राज..

‘तू जन्मापासून शिवाजी पार्कमध्ये वाढलेला आहेस. शिवाजी पार्क हा तुझ्या जगण्याचा अविभाज्य भाग आहे. खेळापेक्षा जास्त सभेसाठी शिवाजी पार्क ओळखले जाते. पार्कामधील एखादी गाजलेली सभा आठवते का?’ असा प्रश्न जितेंद्रने संजय यांना विचारला.

आणखी वाचा : शुभांगी गोखलेंनी तो फोटो पाहिला आणि…

त्यावर संजय यांनी आचार्य अत्रे यांचे पहिले भाषण ऐकले होते असे म्हटले. त्यानंतर त्यांनी बाळासाहेबांच्या गाजलेल्या भाषणांच्या आठवणी जाग्या केल्या. ‘त्याकाळी बाळासाहेबांची काय भाषणे व्हायची. बरं गंमत अशी की आपण बघतो लोकं भाषण देताना शिरा ताणून बोलतात. पण बाळासाहेब कधीच शिरा ताणून बोलले नाहीत. अत्रेंच्या पुस्तकात असं होतं की ते मोठ्या लोकांशी गप्पा मारायला बसल्यासारखे बोलायचे. तसे बाळासाहेबांच्या भाषणामध्ये एक गप्पा मारायला बसल्याचा अनुभव यायचा. राज ठाकरेची ही भाषणे तशीच असतात थोडी फार. पण आजकाल लोकांची मने मुरदाड झाल्यामुळे त्याला थोडे अजून जोरात सांगावे लागते’ असे संजय म्हणाले.