Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

'सिम्बा' भारतातच नाही तर परदेशातही खूपच गाजतोय.

Simmba Box Office Collection : ‘सिम्बा’ची परदेशातही छप्पर फाड के कमाई !

रोहित शेट्टीच्या दिग्दर्शनाचा तडका असलेला ‘सिम्बा’ भारतातच नाही तर परदेशातही खूपच गाजतोय. भारताप्रमाणे कॅनडा, न्यूझीलंड, ऑस्ट्रेलिया आणि अमेरिकेतून या चित्रपटाला प्रेक्षकांकडून भरभरून प्रतिसाद मिळताना दिसत आहे. परदेशातील जवळपास ९६३ स्क्रिनवर हा चित्रपट शुक्रवारी प्रदर्शित झाला आणि पहिल्या दोन दिवसांत ‘सिम्बा’ नं अनपेक्षित कमाई करत सर्वांनाच आश्चर्याचा सुखद धक्का दिला. या चित्रपटाचं आंतरराष्ट्रीय कलेक्शन हे जवळपास १३ कोटींच्या घरात आहेत.

अमेरिका आणि कॅनडामध्ये पहिल्याचदिवशी एकूण ३ कोटी ४१ लाखांहून अधिकची कमाई सिम्बानं केली. तर ऑस्ट्रेलिया, फिजी मिळून कमाईचा आकडा हा एक कोटींहून अधिक आहे. युएइमध्ये सहा कोटींहून अधिकची कमाई ‘सिम्बा’नं केली आहे. तर इतर देशांतील कमाईचा हा जवळपास २ कोटी आहे. ही नक्कीच रोहित शेट्टी आणि ‘सिम्बा’च्या टीमसाठी आनंदाची बाब आहे. ऑस्ट्रेलियामध्ये प्रथमच रोहित शेट्टीच्या चित्रपटाला मोठी ओपनिंग मिळाली आहे.

#Simmba takes an impressive start Overseas… Collects $ 1.884 mn [₹ 13.14 cr]… Key markets:
USA-Canada: $ 488k
UAE-GCC: Thu $ 372k, Fri $ 520k
UK: $ 87k
Australia + Fiji: $ 144k
RoW: $ 273k
— taran adarsh (@taran_adarsh) December 29, 2018

भारतातही या चित्रपटानं पहिल्या दिवशी २० कोटींची कमाई केली आहे. या चित्रपटात रणवीर सिंगबरोबर सारा अली खान, सिध्दार्थ जाधव, विजय पाटकर, नंदू माधव सोनू सूद, अश्विनी काळसेकर असे अनेक कलाकार प्रमुख भूमिकेत आहे.

First published on: 30-12-2018 at 11:19 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Simmba box office collection day 2 in overseas

Simmba Box Office Collection : ‘सिम्बा’ची परदेशातही छप्पर फाड के कमाई !

'सिम्बा' भारतातच नाही तर परदेशातही खूपच गाजतोय.