अभिनेत्री सोनम कपूर (Sonam Kapoor) सध्या तिच्या गरोदरपणामुळे चर्चेत आहे. तिने या दिवसांमध्ये खास फोटोशूट देखील केलं. आता सोशल मीडियावर तिच्या डोहाळे जेवणाच्या कार्यक्रमाची चर्चा रंगत आहे. लंडनमध्ये सोनमच्या डोहाळे जेवणाचा कार्यक्रम आयोजित करण्यात आला होता. यादरम्यानचे काही फोटो आणि व्हिडीओ सध्या सोशल मीडियावर व्हायरल होत आहेत. डोहाळे जेवणामध्ये सगळं काही खास होतं. सोनमची बहीण रियाने तिच्या सोशल मीडिया अकाऊंटद्वारे काही फोटो देखील शेअर केले आहेत. आणखी वाचा - ‘ब्रम्हास्त्र’ सुपरहिट की फ्लॉप?, चित्रपटाचा ट्रेलर पाहून नेटकऱ्यांच्या प्रतिक्रिया, म्हणाले, “हा चित्रपट तर…” सोनमच्या डोहाळे जेवणाचा कार्यक्रम तिच्यासाठी अगदी आठवणीतला असावा म्हणून बहिण रियाने विशेष मेहनत घेतली होती. तसेच Leo Kalyan या गायकाने या कार्यक्रमामध्ये सोनमचं सुपरहिट गाणं 'मसककली मसककली' गायलं. हे गाणं सोनमने या पार्टीदरम्यान खूप एण्जॉय केलं. या गाण्यादरम्यानचा व्हिडीओ देखील सोशल मीडियावर व्हायरल झाला आहे. Leo Kalyanने त्याच्या सोशल मीडिया अकाऊंटद्वारे काही फोटो आणि व्हिडीओ शेअर केले आहेत. सोनमच्या डोहाळे जेवणाच्या कार्यक्रमामध्ये आपल्याला गाणं गाण्याची संधी मिळाल्याने Leo Kalyan देखील खूश आहे. सोनमने या कार्यक्रमासाठी गुलाबी रंगाचा गाऊन परिधान केला होता. तसेच तिचा लूक यावेळी अगदी उठून दिसत होता. ती संपूर्ण कार्यक्रम अगदी मनसोक्त एण्जॉय करताना दिसली. जेवणापासून ते अगदी डेकोरेशनपर्यंत सगळं या पार्टीमध्ये अगदी खास होतं. शिवाय कार्यक्रमामध्ये आलेल्या पाहुणे मंडळींना तिने खास भेटवस्तू देखील दिली. सोनम गरोदरपणातील सुंदर दिवस एण्जॉय करताना दिसते. सध्या ती पती आनंद आहुजाबरोबर लंडनमध्ये एकत्रित वेळ घालवताना दिसत आहे.
