करोना विषाणूच्या वाढत्या संक्रमणामुळे लोकांचं जनजीवन विस्कळीत झालं आहे. देशाची अर्थव्यवस्था दिवसेंदिवस ढासळत चालली आहे. परंतु अशा प्रतिकूल परिस्थितीत अभिनेता सोनू सूद याने गरीबांसाठी मदतीचा हात पुढे केला. देशभरातील शेकडो मजुरांना त्याने रोजगार मिळवून देण्यासाठी मदत केली. शिवाय गरीब विद्यार्थांच्या शिक्षणासाठी त्याने एका स्कॉलरशिपची देखील सोय केली आहे. त्याच्या या दानशुरपणाची सर्वत्र स्तुती होत आहे. कोलकातामधील काही चाहत्यांनी तर सोनूचं कौतुक करण्यासाठी दुर्गा मातेच्या मुर्तीसोबत सोनूचा पुतळा देखील उभारला आहे. लक्षवेधी बाब म्हणजे हे चाहते इतर देवतांसोबतच त्याची देखील पूजा करत आहेत. अवश्य पाहा - ‘बेजबाबदार सिद्धार्थमुळे एलिमिनेट झाले’; ‘बिग बॉस’मधून बाहेर पडताच अभिनेत्री संतापली We have installed a statue of actor Sonu Sood so that people can take inspiration from him to help people in need: Srinjay Dutta, member of Prafulla Kanan Welfare Association, in Kolkata pic.twitter.com/VD8clsa6O9 — ANI (@ANI) October 21, 2020 अवश्य पाहा - “हृतिकने अंघोळ करुच नये”; कियाराने व्यक्त केली अनोखी इच्छा कोलकातामधील प्रफुल्ल कन्नन वेलफेयर असोसिएशन ही संस्था दरवर्षी नवरात्रीच्या निमित्ताने एका भव्य दुर्गा पूजेचे आयोजन करते. या वर्षी त्यांनी करोनाच्या पार्श्वभूमीवर 'प्रवासी मजूर' हा देखावा उभा केला. सोबतच सोनू सूदचा देखील एक भला मोठा पुतळा केला आहे. सोनूला पाहून इतरांना मदत करण्याची प्रेरणा मिळावी यासाठी त्यांनी हा विषय निवडला होता. परंतु लक्षवेधी बाब म्हणजे दुर्गा मातेचं दर्शन घेण्यास आलेले भक्त देवतांसोबतच सोनू सूदची देखील भक्तीभावाने पूजा करत आहेत. चाहत्यांचं हे प्रेम पाहून सोनू देखील भावूक झाला. "आजवरचा सर्वात मोठा पुरस्कार" असं म्हणत त्याने आपल्या भावना व्यक्त केल्या आहेत. My biggest award ever — sonu sood (@SonuSood) October 21, 2020 सोनू सूदने लॉकडाउनच्या काळात विविध ठिकाणी अडकलेल्या देशभरातील शेकडो मजुरांना आणि विद्यार्थ्यांना बस आणि ट्रेनच्या माध्यमातून त्यांच्या गावी पोहोचवलं आहे. शिवाय त्यांच्या रोजगारासाठीही तो प्रयत्न करत आहे. लक्षवेधी बाब म्हणजे ही सोय तो विनामुल्य देत आहे. “शेवटचा मजूर आपल्या घरी पोहोचेपर्यंत मी शांत बसणार नाही.” असं त्याने अलिकडेच दिलेल्या एका मुलाखतीत म्हटलं होतं. आनंदाची बाब म्हणजे या वाक्याचे तो तंतोतंत पालन करत आहे. यापूर्वी सोनुने १५०० PPE किट्सची मदत केली होती. तसेच आपले हॉटेल करोनाग्रस्तांच्या उपचारासाठी खुले करुन दिले होते.
