अॅक्शन, रोमान्स, कॉमेडी,ड्रामा या साऱ्या गोष्टींची एकत्र मेजवाणी म्हटलं की डोळ्यासमोर येतात ते म्हणजे चित्रपट दिग्दर्शक रोहित शेट्टी यांचे चित्रपट. ‘चेन्नई एक्स्प्रेस’, ‘सिंघम’, ‘गोलमाल’, ‘सिम्बा’ या चित्रपटांनी बॉक्स ऑफीस गाजवलं. त्यानंतर आता पुन्हा एकदा रोहित शेट्टी प्रेक्षकांचं मनोरंजन करण्यास सज्ज झाला आहे. त्याचा बहुचर्चित चित्रपट ‘सूर्यवंशी’ लवकरच प्रेक्षकांच्या भेटीला येणार आहे. रोहितच्या अन्य चित्रपटांप्रमाणेच त्याच्या या चित्रपटामध्येदेखील मोठ्या प्रमाणावर अॅक्शन सीनचा भरणा करण्यात आला आहे. या चित्रपटाच्या चित्रीकरणाला सुरुवात झाली असून यामधील रोहितचा अॅक्शन सीन मोठ्या प्रमाणावर व्हायरल होत आहे. विशेष म्हणजे खुद्द रोहितने सेटवरील हा व्हिडिओ सोशल मीडियावर शेअर केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

सध्या या चित्रपटाचं बॅकॉकमध्ये चित्रीकरण सुरु आहे. रोहितने त्याच्या इन्स्टाग्राम अकाऊंटवर चित्रपटाच्या चित्रीकरणाचे काही व्हिडिओ शेअर केले आहेत. यापैकी एका व्हिडिओमध्ये रोहित जेम्स बॉण्डप्रमाणे भरधाव वेगामध्ये बाईक चालविताना दिसत आहे. तर दुसऱ्या एका व्हिडिओमध्ये एका कार हवेत उंचावरुन जमिनीवर आदळताना दिसत आहे.

आणखी वाचा


रोहितने शेअर केलेल्या व्हिडिओपैकी पहिल्या व्हिडिओच्या माध्यमातून त्याने फाईट मास्टर वीरु देवगण यांना श्रद्धांजली अर्पण केली आहे. या व्हिडओत रोहित भरधाव वेगामध्ये बाईक चालवताना दिसत आहे. या व्हिडिओच्या कॅप्शनमध्ये त्याने ‘माझे गुरु, माझे वडील वीरु देवगण यांना माझ्यावर कायम गर्व होता’.

दरम्यान, रोहितच्या आगामी ‘सूर्यवंशी’ या चित्रपटाची जोरदार चर्चा सुरु असून या चित्रपटाच्या निमित्ताने अक्षय कुमार आणि कतरिना कैफ तब्बल ९ वर्षांनंतर एकत्र स्क्रीन शेअर करणार आहेत.

 

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sooryavanshi director rohit shetty dangerous bike stunt video
First published on: 03-06-2019 at 10:42 IST