मैत्री कशी करावी हे पुस्तक शाहरुखने वाचावे- सलमान खान

रॅपिड फायर राऊण्डच्यावेळी करणने एकाहून एक प्रश्न त्यांना विचारायला सुरुवात केले होते. यात सलमानला विचारण्यात येणाऱ्या प्रश्नांवर अधिक मेहनत घेतलेलीही दिसून येत होती. जेव्हा करणने सलमानला विचारले की, मित्र कसे बनवायचे गे पुस्तक तू कोणाला वाचायला देशील या प्रश्नाचे उत्तर देताना सलमानने शाहरुख खानचे नाव घेतले. तर दुसरीकडे नातेसंबंधात टिकून कसे राहावे हे पुस्तक तो स्वतःवाचेल असेही तो म्हणाला. तर तोंड बंद कधी ठेवावे हे पुस्तक सलमान आमिर खानला वाचायला देणार असे तो म्हणाला. सलमानने दिलेली ही उत्तरं सगळ्यांनाच पसंत पडणारी होती. हो ना?

तर दुसरीकडे बॉलिवूडमध्ये सध्या ब्रेक-अप आणि घटस्फोटाचे वारे वाहत असल्याचे चित्र दिसत आहे. रणबीर-कतरिना, फरहान अख्तर-अधुना यांनी वेगळे होण्याच्या बातम्या ताज्या असताना सलमानचा भाऊ अरबाज आणि मलायकाचे १७ वर्षाच्या नात्यामध्ये मतभेद निर्माण झाले होते. बॉलीवूड अभिनेता अरबाज खान- मलायका अरोरा हे विभक्त होण्याच्या मार्गावर आहेत. या दोघांमध्ये सध्या बरेच ताणतणाव असल्यामुळे त्यांनी विभक्त होण्ययाचा निर्णय घेतला आहे. आजूबाजूला यासारख्या घटनामुळेच सलमान लग्नाचा विचार करत नसल्याचे अरबाजने करणच्या कार्यक्रमात म्हटले. अरबाज यावरच थांबला नाही तर, सलमान एक महिनासुद्धा सेक्सशिवाय राहू शकत नाही असे म्हणत त्याने सलमानला पेचात टाकले.

View this post on Instagram

A post shared by Salman Khan (@beingsalmankhan)

सोहेल खानने आपल्या भावाच्या प्रेयसीच्या लांबलचक यादीतून कतरिनाला पसंती दिली. करणने सोहेलला काही बॉलीवूड अभिनेत्रींना नावे सांगत त्यांच्या क्रमांक लावयला सांगितले. त्या यादीत खरंतर सोहेलने कतरिनाला शेवटच्या क्रमांकावर ठेवले होते. पण, बहुदा सलमानला हे न रुचल्याने सोहेलने लगेचच कतरिनाचे नाव पहिल्या क्रमांकावर घेतले. सलमान खान कतरिनाचे नाव घेण्यासाठी कधीही लाजताना दिसत नाही. याची झलक सलमानने या कार्यक्रमात दाखवून दिली. करणने अरबाजला आवडत्या अभिनेत्रींची नावे सांगण्यास सांगितले होते. यावेळी अरबाजला मध्येच थांबवून सलमानने कतरिना कैफचे नाव घेतले. एक नंबरपासून ते पाच नंबरपर्यंत अरबाजच्या यादीत फक्त कतरिना कैफ असल्याचे सलमानने सांगितले. एवढेच सांगून सलमान शांत बसला नाही. सलमानने या कार्यक्रमात चिकनी चमेली गाण्यावर ठेकाही धरला.