scorecardresearch

Premium

“मला आमचं हे मॅडहेड…”, ‘देवकी’च्या वाढदिवसानिमित्त ‘शालिनी’ने दिल्या खास शुभेच्छा

तिची हो पोस्ट सध्या चर्चेचा विषय ठरत आहे.

“मला आमचं हे मॅडहेड…”, ‘देवकी’च्या वाढदिवसानिमित्त ‘शालिनी’ने दिल्या खास शुभेच्छा

‘सुखं म्हणजे नक्की काय असतं!’ ही मालिका सध्या प्रेक्षकांच्या चांगलीच पसंतीस उतरताना दिसत आहे. स्टार प्रवाह वाहिनीवरील या मालिकेतील जयदीप आणि गौरीच्या जोडीने चाहत्यांनी मनं जिकली आहेत. ‘सुखं म्हणजे नक्की काय असतं!’ या मालिकेत देवकीची भूमिका साकारणारी अभिनेत्री मिनाक्षी राठोड हिचा आज वाढदिवस आहे. मिनाक्षीच्या वाढदिवसानिमित्त अभिनेत्री माधवी निमकरने एक पोस्ट शेअर केली आहे. तिची हो पोस्ट सध्या चर्चेचा विषय ठरत आहे.

अभिनेत्री माधवी निमकर ही या मालिकेत शालिनीची भूमिका साकारत आहे. ती सोशल मीडियावर कायमच विविध गोष्टी शेअर करत असते. नुकतंच माधवीने मिनाक्षीच्या वाढदिवसानिमित्त एक पोस्ट शेअर केली आहे. तिने इन्स्टाग्रामवर मिनाक्षी राठोडसोबतचा एक फोटो शेअर केला आहे. यासोबत तिने तिला खास शब्दात वाढदिवसाच्या शुभेच्छा दिल्या आहेत.

mard strike back after discussion with deputy chief minister ajit pawar
‘मार्ड’चा संप मागे; उपमुख्यमंत्री अजित पवार यांच्यासोबतच्या चर्चेनंतर निर्णय
Irfan Pathan and Safa Baig Wife
इरफान पठाणने पहिल्यांदाच दाखविला पत्नीचा चेहरा; लग्नाच्या ८व्या वाढदिवसानिमित्त केली पोस्ट
Thirteen year old boy committed suicide by hanging himself in Pimpri Chinchwad
धक्कादायक: अभ्यास करण्यावरून आई मुलाला रागावली, १३ वर्षीय मुलाने घेतला गळफास
Murder in Bhopal
धक्कादायक! उशीने तोंड दाबून पतीने केली पत्नीची हत्या, त्यानंतर वॉशिंग मशीनमध्ये धुतले ‘हे’ पुरावे

“दोन वर्ष होत आली आपण एकत्र काम करतोय…खूप मजा आली, तुझ्यासोबत सीन करताना खूप हसले. खूप स्पष्ट आहेस तू, कधी कधी बाहेरून थोडी कडक, पण आतून तितकीच प्रेमळ…खूप छान वेळ एकत्र घालवला आहे आपण… खूप सुख दुःख शेअर केली आहेत…खूप छान आठवणी आहेत तुझ्यासोबत…एक तुझ्यातील खूप आवडणारी गोष्ट म्हणजे कधी जजमेंटल झाली नाहीस…ऑन स्क्रीन असो किंवा ऑफ स्क्रीन…”

“तुझा स्वभावातला स्पष्टवक्तेपणा मला घ्यायला आवडेल…अशीच रहा कायम (जरा जास्त झालं का? असुदे, आज तुझा वाढदिवस आहे) मला आमचं हे मॅडहेड लयं आवडत. तुला वाढदिवसाच्या खूप खूप शुभेच्छा…तुझी सर्व स्वप्ने पूर्ण होवोत”, असे माधवीने या पोस्टमध्ये लिहिले आहे.

दरम्यान ‘सुख म्हणजे नक्की काय असतं या मालिकेत मिनाक्षी राठोड ही देवकीच्या भूमिकेत दिसत आहे. तर याच मालिकेत माधवी निमकरने शालिनी ही भूमिका साकारली आहे. या दोघींच्याही भूमिका प्रचंड चर्चेत आहेत. तसेच सध्या अनेक नवी वळणं येत असल्याचे पाहायला मिळत आहेत. या मालिकेत सध्या गौरीचं नवं रूप पाहायला मिळत आहे.

“द कश्मीर फाइल्समध्ये काहीही खोटं दाखवलेलं नाही”; चिन्मय मांडलेकरने मांडले रोखठोक मत

या मालिकेतील गौरी ही साधीभोळी असली, तरी ही नवी गौरी मात्र अरे ला कारे करणारी असल्याचे दिसत आहे. नुकतंच गौरीने शालिनी वहिनी आणि मानसीला चांगलाच धडा शिकवल्याचे दिसत आहे. पहिल्याच दिवशी गौरीने शालिनी, जयदीप आणि मानसी यांना धमकी दिली आहे. यामुळे आता तिघांचेही धाबे दणाणले आहेत.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sukh mhanje nakki kay asta madhavi nimkar special birthday wish to minakshi rathod nrp

First published on: 17-03-2022 at 14:38 IST

संबंधित बातम्या

तुम्ही या बातम्या वाचल्या आहेत का? ×